MASMUR 37:40 - BIBEL JAMITA NA DENGGAN

⁴⁰ Diurupi Ia do halahi jana dipalua, paluahon halahi sian halak na jahat, angke marpangondian do halahi tuSia.

MASMUR 37:40 ပူးပေါင်းရင်းမြစ်များ

1 JUJUR TAON 5:20

Ditaluhon halahi do sude jolma i, angke porsaya do angka parajurit i tu Debata jana mangido tolong tuSia do halahi; jadi dioloi Debata pangidoan ni halahi i jana dilehen ma hamonangan di halahi.

MASMUR 17:13

Jongjong ma Ho Tuhan, alo jana taluhon ma musungku, palua au sian parjahat hara ni podangMu.

MASMUR 27:2

Muda ro parjahat mangaroro giot mamunu au, tartuktuk ma halahi lalu madabu.

MASMUR 34:20

Dijagohon Tuhan do sude pamatangnia, jadi sada pe sian holi-holina nada adong na maponggol.

PODA 20:22

Ulang nibaloskon hajahatan. Nihaporsayaan ma Tuhan, anso Ia paturehon.

JESAYA 31:5

Songon unggas na manggurapar di ginjang ni asarna laho mangondihon angka anakna, laing songon i ma Au, Tuhan Na Markuaso mangondihon dohot mambela Jerusalem.”

JESAYA 46:4

Au Debatamunu, giot mangondihon hamu; lopus matobang jana ubanon obukmunu. Au na manompa hamu, sai na sarihononKu do hamu, sai na paluaonKu jana urupanKu hamu.

DANIEL 3:17

Muda margogo antong Debatanami paluahon hami sian purunan api na gara-gara i dohot sian kuaso ni raja i, angkon baenonNia do songon i.

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

DANIEL 6:23

Madung disuru Debatangki surusuruanNia laho manghuntam baba ni angka singa i gabe nada disoro au. Dipalua Debata do au angke diboto Ia do na so marsala au tuSia dohot maradopkon raja i.”

1 JOHANNES 5:18

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.