MASMUR 37:34 - BIBEL JAMITA NA DENGGAN

³⁴ Tu Tuhan ma mararop roha jana oloi ma parentaNa, gabe angkatonNia ma ho, jana baenonNia gabe nampuna di tano teanan; idaonmu ma parjahat dibaen marmorotan.

MASMUR 37:34 ပူးပေါင်းရင်းမြစ်များ

JOB 17:9

Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

MASMUR 112:8

Nada sak rohania, nada heput muse ia, angke pos do rohania, sai na talu do musunia.

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

MASMUR 25:13

Sai na mardame do ngoluna, tano pusako teanon ni anak maradu pahompuna.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

MASMUR 37:7

Pasonang ma rohamu paintehon Tuhan, sobar ma ho paima-imahon lopus dibaen Ia tindakan. Ulang mangiburu mida halak na mardohar, na mandapot hara ni na paoto-otohon.

MASMUR 37:9

Angke agohonon do sanga ise na mambaen jahat, tapi anggo na mararop roha tu Tuhan, i do nampuna tano teanan.

MASMUR 91:8

Idaonmu sandiri do halak parjahat hona uhuman.

MASMUR 92:12

Martunas do partigor i songon bona ni kurma, tubu simbur songon bona ni sampinur di Libanon.

PODA 16:17

Pasimbil hajahatan i do dalan na tutu, sanga ise na manjago dalanna, i do manjagohon hosana.

PODA 20:22

Ulang nibaloskon hajahatan. Nihaporsayaan ma Tuhan, anso Ia paturehon.

PODA 29:16

Muda markuaso halak na jahat, martamba ma hajahaton. Tapi jabat do idaon ni halak na tigor hamamago ni halak na jahat.

JESAYA 57:13

Muda marsurak ho, padiar ma gana-ganaanmi paluahon ho! Ombuson ni alogo ma halahi sude, angkon dihabangkon pangombus ni hosa. Tapi halak na marondingan tu Au angkon dapotan pusako di luat i jana punania ma dolokKu na badia i.

MATEUS 24:13

Tapi sanga ise na tahan lopus tu ujungna, gabe paluaon ma ia.

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

1 PETRUS 5:6

Hara ni i paserep hamu ma rohamunu di bagasan kuaso ni Debata, anso dipagincat Ia hamu muda dung dapot di hatihana.