MASMUR 37:32 - BIBEL JAMITA NA DENGGAN

³² Anggo parjahat sai na mangintip do i tu halak na denggan, jana manjalahi haputusan laho mamunusa.

MASMUR 37:32 ပူးပေါင်းရင်းမြစ်များ

PAMUNGKAAN 39:16

Di lambungnia ma dipayakkon ia juba i lopus mulak halaklahinia i.

2 RAJA-RAJA 6:13

“Jalahi hamu sanga na di dia ia,” ning raja i, “Anso tartangkup au i.” Dipaboa halak ma na di Dotan si Elisa.

MASMUR 37:12

Parjahat i martahi na jahat, jana magigi do Ia paida-ida halak na daulat.

MASMUR 56:7

Balos ma ale Debata hajahatan ni halahi i, pasidung ma halahi di hamumurukMi.

PODA 24:15

Ulang iba songon halak na jahat na marpokat manyamun halak na burju jana mangarampas bagasna.

JEREMIA 11:19

Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”

JEREMIA 18:23

Tapi diboto Ho do ale Tuhan sasude na nitahi ni roha ni halahi laho mamatehon au. Hara ni i, ulang be ampuni halahi; ulang sesa hasalaan ni halahi. Potuk ma halahi lopus dabu. Maralo ma Ho tu halahi di bagasan muruk ni rohaMu.”

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

DANIEL 6:5

Tapi dijalak-jalahi angka gubernur dohot parpangkat na gincat i ma hasalaan ni si Daniel di bagasan na mamarenta i tapi nada adong dapot halahi, angke na burju do si Daniel jana na tigor, boti nada adong dibaen ia hasalaan bagi aha pe.

LUKAS 11:54

Jana manat ma dibaen halahi laho padapotkon sanga aha na sala sian pandohan ni Jesus.

LUKAS 14:1

Sanoli topet Ari Sabat, kehe ma Jesus mangan tu bagas ni sada pamimpin ni angka Parise. Sai torus do dipamanat halak Jesus disi.

LUKAS 20:20

Jadi sai dijalahi halahi ma hatiha na denggan. Dilehen halahi ma hepeng sogok tu halak na gabe kaki tangan ni halahi jana disuru halahi ma angka kaki tangan i mangalancap songon halak na burju laho mangonjap Jesus markite-hite sapa-sapa, anso tarpasahat halahi Jesus tu toru ni kuaso ni gubernur.

LUKAS 6:7

Tangkas ma diparrohahon deba Siboto Surat dohot halak Parise sanga na dipamalum Jesus do na marnyae i di Ari Sabat. Angke na manjalahi hasalaan ni Jesus do halahi anso taraduhon halahi Ia.

BAENON NI ANGKA RASUL 9:24

Tapi tarboto ma tusia na nitahihon ni halahi i. Dipainte-inte halahi ma arian na borngin di dalan haroroan tu kota i laho mamunu ia.

1 SAMUEL 19:10

Giot dipantomkon si Saul ma si Daud tu dingding i dohot tombakna i. Tapi marhusor ma si Daud, gabe pantik ma tombak i tu dingding i. Marlojong ma si Daud palua dirina.

1 SAMUEL 23:14

Dung i maringanan di liang ni dolok na di Parhorsihan Zip noma si Daud, disi ma ia martabuni. Sai marpupu do ia dikojar si Saul, tapi nada dipasahat Tuhan ia tu raja i.