MASMUR 37:30 - BIBEL JAMITA NA DENGGAN

³⁰ Halak na denggan pajojor hata na marimpola sai na tigor do hata na nidokna.

MASMUR 37:30 ပူးပေါင်းရင်းမြစ်များ

MASMUR 71:15

Ganop ari caritohononku ma hadenggananMu, dohot haluaan na sian Ho na so hasuhatan.

MASMUR 71:24

Sasadari giot hubaritahon do hatigoranMu, angke angka halak na giot manyusahon au, madung ditaluhon jana dipaili. jana talu musungku na mangago au.

PODA 10:20

Hata ni halak na burju, songon perak na asli pikiran ni halak na jahat nada mararti.

PODA 10:21

Hara ni hata ni halak na burju, bahat halak dipasupasu haotoon ni halak na bodo mangago dirina sandiri tutu.

PODA 10:31

Halak na bulus marroha pajojorkon hata na bisuk; halak na jahat, hona gotap do dilana.

PODA 15:7

Halak na bisuk jana na marroha do pabidang habisuhon, nada halak na bodo jana na so marparbinotoan.

PODA 27:9

Miak na huskus dohot na muap-uap pasonang roha; hadengganan ni dongan marmual sian roha.

MATEUS 12:35

Muda denggan sada-sada halak, na denggan muse do diparuar ia sian rohania na denggan i. Muda adong halak na jahat, laing na jahat muse do paruaronnia sian rohania na jahat i.

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

KOLOSSE 4:6

Sanga aha pe na nidokmunu sai na tabo begeon ma, jana sai hata na mardai ma dokkon hamu. Malo ma hamu sanga tarsongon dia sadengganna mangalusi angka sapa-sapa ni halak.