MASMUR 37:26 - BIBEL JAMITA NA DENGGAN

²⁶ Matua na painjamkon ma i jana mangalehen, jana angka dakdanakna gabe pasupasu do i disia.

MASMUR 37:26 ပူးပေါင်းရင်းမြစ်များ

MASMUR 112:5

Martua ma halak na jop roha painjamkon jana na jujur di sude siuruson.

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

MASMUR 147:13

Dipatogu Ia do angka pintu ni horbanganmunu, jana dipasupasu Ia halak na manginganisa.

MASMUR 37:21

Manginjam do halak parjahat tapi nada dipaulak, hape anggo halak na burju sai basa do jana ringgas mangalehen.

PODA 20:7

Maruntung do anak na marama, na jujur boti na patulus hagiot ni Debata.

PODA 21:26

Sasadari hum na marangan-angan do ia salaho tu por ni rohania. Hapengani anggo halak na burju mangoloi Debata mangalehen do maradu marlobian.

JEREMIA 32:39

LehenonKu ma tu halahi sada sajo tujuan ni ngoluna: i ma, pasangapkon Au salolot-lolotna; na patongon na denggan do i tu halahi sandiri, dohot tu pomparan ni halahi.

MATEUS 5:7

Martua ma angka na marasi ni roha, dibaen dapotan asi ni roha do muse halahi.