MASMUR 36:8 - BIBEL JAMITA NA DENGGAN

⁸ Butongan hami di sipanganon na marlobi-lobi na niparadeMu, mardongan inumon na sian batang aekMu na patogarkon.

MASMUR 36:8 ပူးပေါင်းရင်းမြစ်များ

JOB 20:17

Nada be daionna miak zetun na marlobian, sanga susu dohot aer ni loba na marbahat marusean.

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 17:8

Ondingi au, songon pangondingiMu di anak ni mata, bunihon au tu bagasan parsilaungan ni habongMu,

MASMUR 31:20

Ditabunihon Ho do halahi di linggomanMu, maradopkon tipu akal ni parjahat. Dilinggomi Ho do halahi di inganan na sonang, maradopkon incak ni musuna.

MASMUR 46:4

Adong do batang aek na pajopkon roha ni Kota Ni Debata, inganan ni Debata Na Gumincat.

MASMUR 63:5

Pujionku do Ho marhite angka ende na riang-riang, dibaen dipasombu Ho rohangku songon na mangankon sipanganon na tabo.

MASMUR 65:4

Martua do sanga ise na nitodoMu, jana na nipiohonMu anso maringanan di alamanMu. Butongan ma hami dohot angka na denggan i, di BagasMu, di parmiananMu na badia i.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

JESAYA 43:20

Hupadalan batang aek di parhorsihan anso dapotan aek bangso na Hupili i. Gabe dohot ma binatang harangan pasangapkon Au, sorigala dohot unto pe pujionna noma Au.

JESAYA 48:21

Nada manguas halahi, hatiha ditogu Ia halahi mamolus inganan na gariang. Diharuarkon Ia aek sian dolok batu di halahi. Dibola Ia dolok batu, gabe mamincar ma aek.

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

ZAKARIA 9:17

Dengganna i antong jana jeges! Gandum do mambaen magodang angka doli-doli jana anggur mambaen magodang angka bujing-bujing.

MATEUS 5:6

Martua ma angka na male dohot na manguas mida hatigoran, angke na giot pabutongon do halahi muse.

JOHANNES 7:37

Ari na parpudi di pesta i, i ma mata ni pesta i. Jongjong ma Jesus disi mandok hata marsora na gogo, ning Ia ma, “Sanga ise na manguas, tu Au ma ro anso minum.