MASMUR 36:7 - BIBEL JAMITA NA DENGGAN

⁷ Na arga ma da antong holong ni rohaMu na manongtong i ale Debata, marlinggom di toru ni habongMu do hami.

MASMUR 36:7 ပူးပေါင်းရင်းမြစ်များ

JOB 37:23

Na godang ma da kuaso ni Debatanta, nada sanggup iba mandonohisa, markuaso jana tigor do Ia sapanjangna; na so jungada do dihapit hita jolma.

MASMUR 139:17

Ale Debata na maol do pikiranMu, nada tarastui au jana bilanganna na bahat situtu!

MASMUR 17:8

Ondingi au, songon pangondingiMu di anak ni mata, bunihon au tu bagasan parsilaungan ni habongMu,

MASMUR 31:19

Na lobi do antong hadenggananMu na nipasingkopMu di halak na mabiar tu Ho! Diboto halak do sude sanga aha na nibaenMu, tu halak na marsilaung tu Ho.

MASMUR 57:1

Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

MASMUR 63:7

angke Ho do antong na mangurupi au, marriang-riang au marende di linggom ni habongMu.

MASMUR 71:19

Sagincat ni langit hatigoranMu, ale Debata; na godang do karejo ni tanganMu, ise ma he na tarpatudos tu Ho?

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

MASMUR 91:4

SaonganNia ma ho dohot habongNia, gabe sonang ma ho di linggomanNia. Jagohonon jana ondihononNia ma ho marhite habonaranNia.

HARURUAR 34:6

Dung i mardalan ma Tuhan mamolus sian jolo ni si Musa jana pio-pio, “Au, Tuhan, Au do Debata parholong jana paribo roha. Na gok holong do Au, setia jana na lambok.

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

2 PETRUS 1:4

Songon i ma dalanna dibaen Debata mangalehen tu hita angka pasupasu na godang jana na arga na dung nijanjihonNia hian. Hara ni angka pasupasu i tarbaen ma hamu malua sian angka hagiot na jat na adong di portibi on, jana maruli ma hamu di angka bako ni Debata.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

RUT 2:12

Sai dibalos Tuhan ma hadenggananmi. Jana hara ni na dung ro ho marsilaung tu Tuhan, Debata ni Israel, sai dilehen Ia ma antong parlinggoman sagokgokna di ho!”