MASMUR 36:4 - BIBEL JAMITA NA DENGGAN

⁴ Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

MASMUR 36:4 ပူးပေါင်းရင်းမြစ်များ

ESTER 5:14

Umbege i gabe diusulkon dadaborunia i ma dohot angka dongannia i songon on, “Anggo suru sajo pe mambaen tiang gantungan gincatna dua pulu dua meter. Dung i ancogotna i pangido ma isin sian raja i laho manggantungkon si Mordehai tu tiang i. Anggo dung songon i, tarbaen ho ma sonang rohamu kehe tu parjamuan i.” Denggan sajo ma antong usul i dipikiri si Haman, jadi manigor disuru ia ma mambaen tiang gantungan i.

ESTER 6:4

Jadi mangkuling ma raja i, “Ise do sian angka pagawengku saonnari na adong di bagasan bagas godang?” Topet na baru masuk dope si Haman tu alaman na di bagasan bagas godang i; na laho mangido isin do ia tu raja i laho manggantung si Mordehai di tiang na dung dipajongjongnia i.

JOB 15:16

Mur jolma na rorang dohot na jurngit ma hape, na mandorguk hajahatan songon aek.

MASMUR 38:12

Halak na sai giot mamunu au, manaon jorat; sasadari hum na mambaen tahi na jahat, laho mangago au mardongan tipu akalna.

MASMUR 52:3

Humolong do rohamu di hajahatan ulang di hadengganan, dohot gabus ulang pado hasintongan.

MASMUR 97:10

O hamu angka na manghaholongi Tuhan, hagigihon hamu ma hajahatan. Dibaen diondihon Tuhan do ngolu ni bangsoNa, dipalua Ia halahi sian kuaso ni halak na so hasaya.

PODA 24:2

Hum na mamikirkon hakejamon do halahi jana hum na manghobari hajahatan.

PODA 24:23

Unjung do didok angka halak na bisuk songon on: Panguhum nada tola borat sabola.

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

JESAYA 65:2

Tongtong do Au hobas laho manjaluangi bangsongKi haru pe mardongan jogal ni rohana mambaen na jahat halahi jana manondong dalan lomo ni rohana sandiri.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

JEREMIA 8:6

Madung marsitutu Au manangihon, hape nada tigor rohamunu mandok hata. Umpe adong sahalak sian hamu na manyolsoli pangalahona na jahat i; nada adong na mandok, ‘Aha do hasalaanku?’ Marsitondong dalanna sandiri be do hamu sude songon kudo na mangaroro tu parporangan.

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

MIKA 2:1

Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.

BAENON NI ANGKA RASUL 23:12

Manyogotna i, adong ma halak Jahudi marlagut mambaen kompolotan. Disumpahon halahi ma na so ra halahi mangan sanga minum anggo so jolo dibunu halahi si Paulus.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

SURAT NI SI PAULUS TU PARLAGUTAN ROM 12:9

Ulang mangalancap-lancap holong ni roha i! Magigi ma hamu mida na jahat, parayak hamu ma na denggan.

HALUMBAAN 2:2

Huboto do sanga aha na nibaenmunu: Madung disitutui hamu karejo jana sobar sajo do hamu. Huboto do na so dilehen hamu rohamunu tu angka halak parjahat. Jana madung diuji hamu angka halak na mangoku dirina rasul, hape na so tutu do, gabe tardapot do halahi pargabus dibaen hamu.

1 SAMUEL 19:11

Laing di borngin i disuru si Saul ma piga-piga halak tu bagas ni si Daud laho manjago dohot laho mamunu si Daud manyogotna i. Tapi didok si Mikal dadaborunia i ma tusia, “Muda nada kehe ho borngin on, ancogot manyogot bunuonna ma ho.”