MASMUR 36:3 - BIBEL JAMITA NA DENGGAN

³ Gok sipaoto-oto, jahat angka hatana, anggo na denggan dohot habisuhon nada dibaensa.

MASMUR 36:3 ပူးပေါင်းရင်းမြစ်များ

2 SAMUEL 22:22

Huoloi do parenta ni Tuhanku, jana na so unjung marbalik au sian Debatangku.

2 JUJUR TAON 20:32

Songon amangnia si Asa, laing dipatupa si Josafat do na denggan di panatapan ni Tuhan.

MASMUR 10:7

Mamurai ia jana mangondam, sude hatania gok hagigian dohot hajahatan.

MASMUR 125:5

Tapi muda diuhum Ho halak na jahat, uhumi muse ma sanga ise na manyimbil sian dalanMu. Sai horas torkis ma bangsoMi!

MASMUR 140:3

Songon ulok na marbisa do dila ni halahi songon rasun ni ulok sonduk angka hata ni halahi.

MASMUR 5:9

Nada haposan anggo hata ni musungku; giot ni halahi, sai mago ma nian au. Tabo do begeon hata na nidok ni halahi, hape anggo roha ni halahi hum na giot manjahati.

MASMUR 55:21

Lambok ni hatania mangapus pusu-pusu, hape rohania gok hagigian. Pangkataina maradu lambok, hape manorusi songon podang na tajom.

MASMUR 58:3

Na lilu do halak parjahat mamungka sian bortian, na manipu do halahi mamungka sorang.

MASMUR 94:8

Pardiatehon ma, o hamu angka jolma na oto! Andigan dope hamu marsiajar mamake pikiranmi?

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

HOSEA 8:3

laing na so ra do halak Israel manjagit na denggan. Jadi hara ni i angkon ayak-ayahon ni musuna ma halahi.

ZEPANYA 1:6

AbiskononKu ma halahi na so ro tu Au sanga na so mangido panogu-noguon tu Au dohot na dung marbalik manadingkon Au jana na so ra be mangihutkon Au.”

MATEUS 22:35

Jadi ro ma sahalak sian halahi Siboto Surat mancubo-cubo manjalahi hasalaan ni Jesus markite-hite sapa-sapa.

LUKAS 11:25

Jadi dung mulak ia mangulahi tu bagas i, madung ias jana maratur bagas i didapot ia.

IBRANI 10:39

Anggo hita nada halak na sumurut sanga na lilu hita. Tapi halak na porsaya do hita jana na dung nipalua.

1 JOHANNES 2:19

Angka halak na dung manadingkon hita do anggo angka musu ni Kristus i, tapi nada halak na masuk tu hita hian halahi. Sugari halak na masuk tu hita hian halahi, tontu angkon tongtong do halahi rap dohot hita. Tapi morot do halahi sian hita anso torang tarida na so masuk tu hita hian sahalak pe sian halahi.

1 SAMUEL 15:26

Tapi dialusi si Samuel ma, “Nada ra au rap mulak dohot ho be. Na dung manggagai do raja i tu parenta ni Tuhan, jana Ia pe na dung ditulakNia do raja i songon raja ni Israel.”

1 SAMUEL 16:14

Dung i ditadingkon Tondi Ni Tuhan ma si Saul, jana diparkanciti tondi na jahat na nisuru ni Tuhan ma ia.

1 SAMUEL 18:21

Didok ia ma di bagasan rohania, “Huarihon ma si Mikal tu si Daud, anso tarjorat si Daud jana bolas bunuon ni halak Pilistin.” Jadi paduanolihon didok si Saul ma tu si Daud, “Saonnari bolas ma ho gabe baberengku.”

1 SAMUEL 26:21

Dung i dialusi si Saul ma, “Ma sala na hubaen i. Mulak ma ho anakku, Daud! Nada baenonku be na jahat tu ho, dibaen madung dipadiar ho au mangolu napotangin. Na bodo ma antong pangalahongku. Na dung tutu situtu do au hape lilu.”