MASMUR 35:4 - BIBEL JAMITA NA DENGGAN

⁴ Ho ma padiarkon talu dohot pailahon sanga ise halak na giot mamunu au. Padiar ma kehe boti so martontu halak na martahi mangalo au.

MASMUR 35:4 ပူးပေါင်းရင်းမြစ်များ

1 RAJA-RAJA 19:10

Dialusi si Elia ma, “Tuhan Debata Na Markuaso! Sai na matua markarejo tu Ho sandiri sajo do au. Hape dilaosi halak Israel do parjanjian ni halahi dohot Ho. Dirorak halahi do angka langgatanMu jana dibunu angka panurirangMu. Hum sasada au sajo noma na tinggal, jana saonnari giot bunuon ni halahi muse ma au!”

MASMUR 129:5

Padiar ma angka na magigi mida Sion talu jana sumurut.

MASMUR 35:26

Padiar ma talu jana so marhatontuan sanga ise halak na sonang mida sitaononku. Padiar ma angka na gakgak i tu au marbile jana maila.

MASMUR 38:12

Halak na sai giot mamunu au, manaon jorat; sasadari hum na mambaen tahi na jahat, laho mangago au mardongan tipu akalna.

MASMUR 71:24

Sasadari giot hubaritahon do hatigoranMu, angke angka halak na giot manyusahon au, madung ditaluhon jana dipaili. jana talu musungku na mangago au.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

JESAYA 37:29

Madung Hubege do sanga songon dia ginjang ni rohami. Saonnari Hubaen harihir di igungmu dohot kokang di babamu, anso Hutarik ho mulak mamolus dalan na nibolusmu di na laho ro.”

JEREMIA 46:5

Tapi bia do ninna Tuhan! “Munduk do halahi Huida hara ni na tarsonggot. Madung dipukul mundur angka tentara ni halahi, biar sajo roha ni halahi, gabe mangido halahi jana nada manaili tu pudi.

JEHESKIEL 13:19

Dipalayas hamu do Au di adopan ni bangsongKu hum anso dapotan hamu sanjomput bajaure dohot roti piga-piga ponggol. Angka halak na so marsala dibunui hamu, hape anggo halak na patut mate, dipadiar hamu mangolu. Anso tarbaen hamu na songon i, digabusi hamu ma bangsongKi jana porsaya ma halahi tu hamu.’ ”

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.

JOHANNES 18:6

Di na nidok ni Jesus tu halahi, “Au do i,” sumurut ma halahi sude gabe martinggangan tu tano i.

1 SAMUEL 23:23

Jadi tangkas ma pareso hamu sanga liang dia na jungada dipake ia inganannia martabuni, dung i ulahi hamu ma ro tuson laho paboahon tu au. Disi ma rap kehe au dohot hamu, jana muda laing di luat i do ia antong, musti hujalahi, haru lopus husarsar sude Juda!”