MASMUR 34:12 - BIBEL JAMITA NA DENGGAN

¹² Por dehe rohamunu lolot di hangoluan jana mandai hadengganan dohot hatuaan?

MASMUR 34:12 ပူးပေါင်းရင်းမြစ်များ

PAMUNGKAAN 49:2

Marlagut ma jana tangihon hamu ma, ale angka anak ni si Jakob. Parrohahon hamu ma si Israel, amangmunu.

JOB 33:33

Tapi muda sala, pahohom ma antong jana tangihon, na giot mamodahon bisuk do tu ho.

JOB 7:7

Ingot ma, hum sangombus sordam do ngoluniba; simanolongku nada bisa be mangaligi na denggan.

MASMUR 21:4

Dipangido ia ngolu; umur na ginjang dilehen Ho disia, dohot dope ngolu na salolotna.

MASMUR 4:6

Miduk do halak na mandok, “O Tuhan, pasupasu ma hami, sai lomo ma rohaMu mida hami.”

MASMUR 91:16

PapuasonKu ma ia dohot umur na ginjang, jana patuduhononKu tusia haluaan na sian Au.

PODA 4:20

Parrohahon ma angka na hudok, ale anakku! Tangihon ma angka sipaingotku.

PODA 7:24

Hara ni i, ale dakdanak, tangihon ma au. Parrohahon ma angka sipaingotku.

PODA 9:10

Anso gabe marbisuk, angkon parjolo do halak marsangap jana mabiar maradopkon Tuhan. Muda ditanda ho do Na Sun Badia i, gabe dapotan pangartian ma ho.

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

PARJAMITA 2:3

Hara ni pangonjar ni por ni rohangku anso gabe pistar, hupasada ma rohangku laho marsonang-sonang marhite na minum anggur dohot na marpesta-pesta. Ninna rohangku songon i ma dalanna na dumenggan di jolma laho mangkilala ngoluna na pendek i di tano on.

PARJAMITA 3:13

Angkon mangan do hita sudena, minum dohot mangarasoi suha ni karejonta. Silehen-lehen ni Debata do i.

PANGARATAION 30:20

Haholongi ma Tuhan Debatamu, oloi hamu ma Ia, jana setia ma hamu tuSia. Gabe siginjang umur ma hamu dohot pomparanmunu di tano na nijanjihon ni Tuhan tu ompumunu si Abraham, si Ishak dohot si Jakob.”

PANGARATAION 6:2

Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.