MASMUR 33:3 - BIBEL JAMITA NA DENGGAN

³ Endehon ma ende na imbaru di Tuhan, denggan baen pamiltik ni hasapi i, jana marsurak ma marjop ni roha!

MASMUR 33:3 ပူးပေါင်းရင်းမြစ်များ

1 JUJUR TAON 13:8

tapi anggo si Daud dohot sude bangso Israel i mardalan ma di jolo ni Poti i manortori dohot marendei marsitutu, didongani sora ni hasapi, gambus, gondang, hersek dohot sarune.

1 JUJUR TAON 15:22

Si Kenanya ma dipili gabe kapala ni angka parmusik na sian Marga Levi i, harana ia pe tangkas do umboto musik.

1 JUJUR TAON 25:7

Angka na tangkas tarlatih do anak ni halahi na dua pulu opat halak i, dohot kahanggi ni halahi i ma angka halak Levi, i ma angka parmusik na malo. Sudena 288 halak ma bahat ni halahi.

2 JUJUR TAON 34:12

Tigor-tigor do roha ni angka halak na markarejo padenggankon i. Opat halak Levi na mangapalai halahi: Si Jahat dohot si Obaja na sian horong Merari, si Zakaria dohot si Mesulam sian horong Kehat. Angka halak Levi, na malo-malo sude marmusik

MASMUR 144:9

Endehononku ma di Ho logu na imbaru, ale Debata, jana piltihonku ma hasapi na martali sampulu.

MASMUR 149:1

Endehon ma ende na imbaru di Tuhan, puji ma Ia di tonga-tonga ni parluhutan ni bangsoNia!

MASMUR 40:3

Diajari Ia do au mangendehon logu na imbaru, logu na mamuji Debatanta. Bahat do halak midasa jana gabe mabiar, gabe manghaporsayai Tuhan.

MASMUR 40:4

Martua ma sanga ise na porsaya tu Tuhan; na so dohot-dohotan marsomba tu angka debata, na so mangido tolong tu halahi.

MASMUR 96:1

Endehon ma logu na imbaru di Tuhan! O hamu portibi sudena, marende ma hamu di Tuhan.

MASMUR 98:1

Endehon hamu ma ende na imbaru di Tuhan, angke hahomangan situtu do pambaenanNia. Marhite kuaso dohot hagogoonNia sandiri dapot Ia do hamonangan.

JESAYA 42:10

Endehon ma logu na imbaru di Tuhan, jana puji ma Ia sian sude parsuhi ni tano on. Gumadobur ma laut maradu sude isina, dohot angka pulo rap dohot sandok na manginganisa.

EPESUS 5:19

Pake hamu ma sian hata ni Masmur, angka ende puji-pujian tu Tuhan dohot angka ende partondion di angka pangkobarionmunu. Marjop ni roha ma hamu jana ria marende mamuji-muji Tuhan i.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

HALUMBAAN 14:3

Di jolo ni habangsa i dohot mahluk na opat i dohot di angka pamimpin na humaliang habangsa i diendehon angka halak si 144.000 i ma sada ende na imbaru. Nada tarparsiajari sanga ise pe ende i asing sian halak na 144.000 i. Angka halak na nipalua do halahi sian tano on.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.