MASMUR 32:6 - BIBEL JAMITA NA DENGGAN

⁶ Hara ni i, patut do angkon martangiang tu Ho sude na burju marroha dompak adong dope tinggi giot marsuo dohot Ho. Jadi muda ro pe hasusaan mangalantap, nada jabat hona be halahi.

MASMUR 32:6 ပူးပေါင်းရင်းမြစ်များ

MASMUR 144:7

Surduhon ma tanganMu sian banua ginjang, jana palua ma au sian banjir na mangalantap. Palua ma au sian kuaso ni halak na asing

MASMUR 4:3

Boto hamu ma, na dung ditodo Tuhan halak na nihaholonganNia, ditangihon Tuhan do muda pio-pio au tuSia.

MASMUR 40:3

Diajari Ia do au mangendehon logu na imbaru, logu na mamuji Debatanta. Bahat do halak midasa jana gabe mabiar, gabe manghaporsayai Tuhan.

MASMUR 91:7

Haru rage saribu halak di lambungmu, jana sampulu ribu halak di humaliangmu, tapi anggo ho nada jabat mahua.

PODA 1:28

Anggo di hatiha i, pio-pio ma hamu tu au tapi nada alusanku hamu. Jalahanmunu ma au sun tu dia, tapi nada dapot hamu be au.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 55:6

Jalahi ma Tuhan dompak tarbaen dope dapot, pio hamu ma Ia salolot laing donok dope Ia.

JOHANNES 7:34

Jalahanmunu ma Au tapi nada dapot hamu be: Harana nada tarbaen hamu ro tu ingananKi.”

2 KORINTUS 1:4

Diapoi Ia do rohanami di bagasan sasudena hasusaan na hami bolus, anso tarapoi hami muse ma roha ni halak na di bagasan hasusaan markite-hite gogo na hami jagit i sian Debata.

2 KORINTUS 6:2

Didok Debata do di Buku Na Badia i, “Di hatiha na nipatumbuk, madung Hutangihon pio-piomu, jana di ari haluaan madung Huurupi ho.” Tangkas ingot hamu! Saonnari ma hatiha na nipatumbuk i. Saonnari ma arina, ari haluaan.

1 TIMOTEUS 1:16

Tapi laing hara ni i muse ma dihaholongi Debata au, anso laing tarpatuduhon Jesus Kristus hasobaronNia maradopkon au halak pardosa on. Jana gabe tiruan ma on di angka na giot porsaya muse tuSia jana na manjagit hangoluan na so mantak.

TITUS 2:12

Na mangajari hita do hadengganan ni roha ni Debata i anso ulang be maralo ngolunta tu hagiot ni Debata jana nada be mangihutkon hagiot ni portibi on; diajari do hita anso malo hita mangarajai dirinta, tigor jana manghaholongi Debata.