MASMUR 31:8 - BIBEL JAMITA NA DENGGAN

⁸ Nada dipadiar Ho au ditangkup musungku, tapi dijagohon Ho do au gabe sonang.

MASMUR 31:8 ပူးပေါင်းရင်းမြစ်များ

JOB 16:11

Dipasahat Debata do iba tu tangan ni na so hasaya; didabu muse tu tangan ni na so marguna.

JOB 36:16

Madung dipalua Debata ho sian hamaolon, gabe tarbaen ho mandai hadameon, bubung mejamu dohot sipanganon.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 18:19

Dipalua Ia do au sian parmaraan, angke dibaen Ia au gabe haholongan.

MASMUR 4:1

Ale Debata, Ho do mangampini au, alusi ma muda pio-pio au. Muda susa au, diurupi Ho do au; saonnari ibo rohaMu di au jana tangihon ma tangiangku.

MASMUR 88:8

Dipadao Ho angka sitandaanku sian au dibaen Ho au di halahi gabe sihagigian, dihobuk au nada tarbaen luncat.

HARURUAR 2:25

Diida Ia do halak Israel diparhatoban, gabe diparate-atehon Ia ma bagian ni halahi.

JESAYA 19:4

PasahatonKu ma Mesir tu tangan ni sada raja na jungkat na giot mamarenta halahi mamake hakejamon. Au Tuhan Na Markuaso do mandok i.”

PANGARATAION 26:7

Dung i pio-pio ma hami mangido tolong tu Tuhan Debata ni ompunta i. Ditangihon Ia do pio-pionta i jana diida Ia do pardangolanta hasusaan dohot sitaononta i.

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

1 SAMUEL 17:46

Pasahaton ni Tuhan ma ho laing di ari sadari on tu au; taluhononku ma ho jana lobongonku ma ulumi. Lehenonku ma pamatangmi dohot pamatang ni angka tentara ni Pilistin i tu angka unggas dohot binatang anso panganonna. Jadi gabe botoon ni na satano on ma, anggo hami bangso Israel adong do Debata na hami somba

1 SAMUEL 24:18

Jadi didok ia ma tu si Daud, “Ho do na tutu jana au do na sala. Hajahatonku maradopkon ho madung dibaloskon ho dohot na denggan.

1 SAMUEL 26:8

Dung i didok si Abisai ma tu si Daud, “Madung dipasahat Debata di borngin on musumu tu ho. Paloas ma hupantikkon ia tu tano i dohot tombaknia i sandiri, anso hupangabis ia santiham hubaen, nada pola jabat dua noli baenonku!”