MASMUR 31:23 - BIBEL JAMITA NA DENGGAN

²³ Haholongi ma Tuhan, o hamu sude bangsoNia, dijagohon Tuhan do sanga ise na setia. Tapi siginjang roha diuhumi Ia, hombar tu pambaenanna.

MASMUR 31:23 ပူးပေါင်းရင်းမြစ်များ

MASMUR 145:10

O Tuhan, pujian ni sandok na nitompaMu ma Ho, mandok tarimakasi ma sude bangsoMu tu Ho.

MASMUR 145:20

Dilinggomi Ia do ganop halak na manghaholongi Ia, tapi anggo parjahat dipusa Ia.

MASMUR 30:4

Endehon ma puji-pujian di Tuhan, o hamu bangsoNia na nihaholonganNia! jana haulkon ma hatarimakasion tu goarNa Na Badia!

MASMUR 34:9

Habiari ma Tuhan, o hamu bangsoNia, sanga ise na burju mangoloi Ia nada dumpang hurangan.

MASMUR 54:5

Padiar ma musungku didondoni hajahatanna sandiri, pusa ma halahi, angke setia do Ho tu au.

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

MASMUR 94:2

Jongjong ma Ho ale Panguhum ni sandok tano on, uhumi ma halak siginjang roha hombar tu pambaenanna.

MASMUR 97:10

O hamu angka na manghaholongi Tuhan, hagigihon hamu ma hajahatan. Dibaen diondihon Tuhan do ngolu ni bangsoNa, dipalua Ia halahi sian kuaso ni halak na so hasaya.

JESAYA 38:10

“Pandokku, satonga umur dope angkon kehe ma au, tu pintu ni harbangan ni hamatean do au dipio lalu tu ujung ni ngolungku.

JESAYA 56:6

Tu angka halak na asing na dung masuk etonganna tu bangso ni Tuhan, na manghaholongi jana na mangoloi Tuhan, na pasangapkon Ari Sabat jana setia tu parjanjianNia, didok Tuhan do,

JEHESKIEL 37:11

Didok Debata ma tu au, “Ale anak ni jolma, bangso Israel do na nigambarkon ni angka holi-holi on. Humolos do halahi hara ni na mahiang halahi, nada adong be arop ni roha jana nada adong be ari pangapudianna.

MARKUS 12:23

Jadi mulak mangolu ma halahi sude saulahon di ari parpudi, gabe dadaboru ni ise do anak boru i? Harana, halaklahi na pitu i madung mardadaboruhon ia!”

PANGARATAION 10:12

“Saonnari hamu ale angka dongan sabangso, parate-atehon hamu ma na nituntut ni Tuhan Debatamunu sian hamu: Maribadat tu Tuhan ma hamu jana patulus hamu sandok na niparentahonNia. Haholongi hamu ma Ia, sian sandok rohamunu dohot tondimunu ma oloi hamu Ia,

PANGARATAION 30:16

Muda holong rohamunu tu Tuhan Debatamunu jana mangoloi hamu tuSia bope diihutkon hamu sandok uhum dohot parentaNia na hulehen tu hamu sadari on, gabe dapot hamu ngolu na sonang, jana gabe bangso na sonang. Pasupasuon ni Tuhan Debata ma hamu di tano na so sadia honok nari be giot siingananmunu.

PANGARATAION 32:41

dung salpu kuaso ni podangKu na tajom na marhillong padalanonKu ma hatigoran. Hupalalu ma hosom tu sudena na magigi tu Au Hudabu uhumanna.

PANGARATAION 33:3

Dihaholongi Tuhan do bangsoNa dijagohon Ia do nampunaNia. Manungkap ma hita di jolo ni patNia mangoloi angka parentaNa.

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.

HALUMBAAN 18:6

Baen hamu ma tusia balos ni na nibaennia i tu hamu; dua noli lompit baloskon hamu sandok na nibaennia. Isi hamu ma mangkukna i dohot siinumon na dua noli lompit korasna sian siinumon na niparade di hamu.

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.