MASMUR 31:13 - BIBEL JAMITA NA DENGGAN

¹³ Pangalaho na jorbut sai paayak-ayak au; hubege do hata husip ni musu martahi saroha halahi mangalo au; jana martuptup laho mambuat hosangku.

MASMUR 31:13 ပူးပေါင်းရင်းမြစ်များ

PAMUNGKAAN 40:23

Tapi anggo pangurus ni siinumon i nanggo diingot ia be na masa tu si Josep – sandok, lupa ma ia tu si Josep.

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 55:10

Arian dohot borngin do halahi manghaliangisa, hajahatan dohot mara do marroha-roha di bagasanna.

MASMUR 57:4

Dihobuk musu au, songon singa sipangan jolma halahi. Hujur dohot pana do ipon ni halahi, podang na tajom do dila ni halahi.

JEREMIA 11:19

Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

JEREMIA 6:25

Nada puluk hami ruar tu dalan sanga kehe tu balian, angke di sude inganan sai mambaen gogo do angka musu na marsinjata.

ANDUNG 2:22

Dihara Ho angka musungku mambaen pesta na gok hakejamon humaliang au. Di ari ni hamumurukMu, sahalak pe nada tarbaen malua sian uhumanMu. Angka na huhaholongi dohot na hupasari-sari ma pola dibunu angka musu i.

MATEUS 26:59

Dijalahi angka kapala ni malim i ma dohot sude parrapot i angka hasaksian na so tutu laho mangalo Jesus anso adong dalanna baenon ni halahi mamunu Ia.

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.

LUKAS 23:5

Tapi laing disosak halahi ma. Ninna halahi, “Sian pangajaranNia i, digaori Ia halak na di Judea sude, mula-mula di Galilea do, hape saonnari madung lalu muse tuson.”

1 SAMUEL 20:33

Umbege i, didanggurkon si Saul ma tombaknia tu si Jonatan laho mamunusa. Jadi diboto si Jonatan ma torang na marsitutu amangnia i laho mamunu si Daud.

1 SAMUEL 24:9

Si Daud pe ruar muse ma sian liang i jana pio-pio ma ia sian pudi ni si Saul, “Ale rajanami!”