MASMUR 31:11 - BIBEL JAMITA NA DENGGAN

¹¹ Bile do au dietong roha ni sude musungku, gabe siincahan ni angka hombar noma au. Tarsonggot be do angka sitandaan muda marsuo dohot iba, marlojongi halahi muda marsuo di dalan dohot iba.

MASMUR 31:11 ပူးပေါင်းရင်းမြစ်များ

MASMUR 22:6

Nada jolma au, tapi goya do, diincahi halak jana dipacia-cia do.

MASMUR 38:11

Mandao be ma ale-alengku hara ni nyaengku, salang koum sisolkotku pe mandao do sian au.

MASMUR 64:8

PasidungonNia ma halahi hara ni hata ni halahi, mopeng-openg be ma sude na marnidasa.

MASMUR 88:18

Dipadao Ho sian au angka ale-ale dohot donganku, hum hagolapan ma na tading mandongani au.

MASMUR 88:8

Dipadao Ho angka sitandaanku sian au dibaen Ho au di halahi gabe sihagigian, dihobuk au nada tarbaen luncat.

JESAYA 49:7

Maradopkon halak na tarlobi dipalayas, jana na nihagigihon ni angka bangso, boti na gabe naposo ni angka parkuaso, didok Debata Sipalua ni Israel: “Idaon ni angka raja ma pambaenanKu; jongjong ma halahi mamparsangapi Au. Laing idaon ni angka parkuaso muse ma i, lalu marsinggang ma marsomba halahi.” Tarjadi ma sudena i hara ni Tuhan na setia, Debata Na Badia ni Israel madung manodo naposoNa.

JEREMIA 12:6

Madung pola dihianati angka kahanggimu sandiri ho; dohot halahi mamorangi ho. Ulang porsaya ho tu halahi, haru pe tabo begeon hata ni halahi.”

MIKA 7:6

Angka anak halaklahi pabilehon amangna, anak dadaboru bangkit mangalo inangna, parumaen mangalo namboruna; marsalisi do halak na sabagas.

MATEUS 26:56

Tutu do nian, angkon tarjadi do sude na masa on anso tulus muse sanga aha na nisuratkon ni angka panurirang di Buku Na Badia i.” Dung i markehean ma sude anak sisean ni Jesus i maninggalkon Ia.

MATEUS 26:74

Gabe marsumpa-sumpa ma si Petrus, “Sai mate au muda tutu hutanda bayo i!” ning ia. Manigor martahuak ma manuk.

MARKUS 14:50

Kehe ma sude martabuni anak siseanNia i.

SURAT NI SI PAULUS TU PARLAGUTAN ROM 15:3

Harana, Kristus pe nada hasonanganNia sajo dipikirkon Ia. Songon na tarsurat, “Sude incak-incak na tu hamu, gabe tu Au do madabu.”

2 TIMOTEUS 4:16

Di na parjolo hupajojor pambelaanku umpe sahalak na ro mandongani au; kehe do sude manadingkon au. Sai ulang ma nian dipasala Debata halahi taringot tusi!

IBRANI 11:36

Adong ma deba na niincahan, na diparkanciti, dirante jana dipamasuk tu hurungan.

IBRANI 13:13

Hara ni i, beta ma tadapotkon Ia di ruar ni bandar i jana dohot ma hita niincahan rap dohot Ia.

1 PETRUS 4:14

Na maruntung do hamu muda dipabile halak hamu songon sada siihutkon Kristus. I ma tandana paboahon na maruli Tondi na sangap hamu, i ma Tondi Parbadia.