MASMUR 30:11 - BIBEL JAMITA NA DENGGAN

¹¹ Dipauba Ho hadangolanku gabe tortor siriaon digonti Ho hamarsahanku dohot hamogaon.

MASMUR 30:11 ပူးပေါင်းရင်းမြစ်များ

PAMUNGKAAN 37:35

Sude dakdanaknia i dadaboru dohot halaklahi, marroan do laho mangapoi ia, tapi nada ra ia niapoan. Didok ia do, “Anggo au lopus manuat au tu portibi ni halak na mate, sai andunganku do anakki.” Songon i ma sai torus markutondo ia hara ni si Josep anaknia i.

PAMUNGKAAN 45:28

“Hape na mangolu dope si Josep anakki baya!” ning ia. “Hum on noma giotku! Angkon kehe do au anso huida ia painte so mate au.”

2 SAMUEL 6:14

Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

2 JUJUR TAON 20:12

Ho do Debatanami! Ho ma manguhumi halahi, dibaen nada margogo anggo hami mangadopi tentara na bahat i na giot mamorangi hami. Nada hami boto be sanga na aha sibaenonnami, jadi hara ni i ro ma hami mangido tolong tu Ho.”

2 JUJUR TAON 20:3

Gabe mabiar ma si Josafat lalu martangiang ma ia mangido panogu-noguon sian Tuhan. Dung i diparentahon ia ma anso puaso sude rayat i.

2 JUJUR TAON 20:9

muda hona uhum halahi hara ni angka dosa ni halahi, jana didondoni porang halahi, nyae masa, sanga haleon potir, bolas do halahi ro jana jongjong di jolo ni bagas paribadatan on. Di bagasan ni hasusaanna i, bolas do halahi martangiang tu Ho jana sai na tangihonon jana urupanMu do halahi.

NEHEMIA 8:10

Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

ESTER 9:22

Harana di ari i ma antong halahi manaluhon angka musu ni halahi, gabe muba ma pardangolan dohot hapariron ni halahi gabe jop ni roha dohot hamogaan. Jadi hara ni i angkon rayahonon ni halahi do angka ari i marhite pesta dohot parjamu-jamuan lalu marsipiringan sipanganon dohot mangalehen sidoka tu halak na miskin.

MASMUR 149:3

Puji ma goarNa markite-hite angka tortor, puji hamu ma Ia mardongan hasapi dohot gondang!

MASMUR 150:4

Puji ma Ia mardongan angka tortor dohot tambor, puji ma Ia mardongan suling dohot tulila!

MASMUR 27:7

Tangihon ma ale Tuhan, muda pio-pio au tu Ho, ibo ma rohaMu mida au jana alusi ma au!

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

MASMUR 4:7

Jopan do rohangku dibaen Ho ulang pado halak na marlobian di harto.

PARJAMITA 3:4

Adong do hatihana tangis dohot hatihana martata; hatihana mangandungi dohot hatihana manortor.

JESAYA 25:3

Pujion ni angka bangso na gogo ma Ho, angka bangso na jungkat mabiar mida Ho.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.

JEREMIA 52:33

Nada be mamake pakean sitarapan ia, jana somalna mangan di bagas godang do ia jana dilehen do hepeng disia baen haporluan ni ngolunia.

LUKAS 15:22

Tapi dipiohon amangna i ma angka naposona jana didok ma, ‘Pasigop buat pakean na dumenggan jana pakehon manigor tusia. Baen tintin tu jari-jarina i dohot sipatu tu patna i.

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”