MASMUR 30:1 - BIBEL JAMITA NA DENGGAN

¹ Hupuji do Ho ale Tuhan, angke madung dipatongon Ho di au haluaan. Nada dipadiar Ho musungku marsurak manggorai au.

MASMUR 30:1 ပူးပေါင်းရင်းမြစ်များ

2 SAMUEL 20:3

Dung lalu si Daud di bagas godangnia na di Jerusalem i, dibaen ia ma rading sisampulu halak na nitadingkon i manjago bagas godang i di bagasan sada bagas na dijago ni pangawal. Tuk do dibaen na porlu di halahi, tapi nada jungada be si Daud modom rap dohot halahi. Jadi gabe dipingit ma halahi jana songon na mabalu noma ngolu ni halahi lopus mate.

2 SAMUEL 24:25

Dung i dipajongjong ia ma langgatan disi baen di Tuhan jana dihaulkon ia muse ma haul situtungon dohot haul pardonganan. Maralus do tangiang ni si Daud i dibaen Tuhan, lalu dipadao Tuhan ma bala i sian Israel.

2 SAMUEL 5:11

Ditongos Raja Hiram na sian Tirus do utusan parboniagaon tu si Daud. Dipasingkop si Hiram do di si Daud hayu sampinur Libanon rap dohot angka tukang hayu dohot angka tukang batu laho pajongjong bagas godang.

2 SAMUEL 6:20

Di na mulak si Daud tu bagas godang laho manjalangi isi ni bagasnia, ruar ma si Mikal mandapotkon ia jana didok ma, “Anggo sadari on antong tutu ma na marsangap raja ni Israel i dibaen ia sandiri! Jabat do antong marsaemara ia songon halak na bodo di jolo ni angka hatoban dadaboru dohot angka pagawe bagas godang i!”

2 SAMUEL 7:2

Jadi didok ia ma tu Panurirang Natan, “Ligi ma, anggo au maringanan di bagas godang na sian hayu sampinur Libanon do, hape Poti Parjanjian ni Debata disimpan hum di bagasan bandar sajo do!”

1 RAJA-RAJA 8:63

Na gabe haul haluaan dipasahat Raja Salomo ma tu Tuhan 22.000 lombu dohot 120.000 biri-biri. Songon i ma dibaen Raja Salomo dohot sude Israel pasahatkon bagas parsombaan i tu Debata.

1 JUJUR TAON 21:6

Tapi nada dohot dope disi Marga Levi dohot Benyamin. Nada didalankon si Joab sensus di halahi hara ni na so ringkot rohania mandalankon parenta ni raja i.

MASMUR 13:4

anso ulang monang musungku, disurak halahi au dohot hata, “Madung hami taluhon ia!”

MASMUR 140:8

Ale Tuhan, ulang ma patulus giot ni siparjahat, ulang padiar manjadi sangkap ni halahi.

MASMUR 145:1

Sai giot pagodangonku do Ho, ale Debatangku jana Rajangku, tongtong do au sai giot mandok tarimakasi tu adopanMu.

MASMUR 25:2

o Tuhan, Ho do haposan ni rohangku! Ulang padiar dipaila au, jana disurahi angka musungku.

MASMUR 27:6

Jadi saonnari madung godang au di angka musu na humaliang au. Mardongan sora na gogo marmoga-moga huhaulkon ma haul mandok tarimakasi di bagasMu; marende ma au tu Tuhan lalu mamujiSa.

MASMUR 28:9

Palua ma Tuhan, bangsoMi pasupasu ma sanga ise halak na gabe nampunaMi. Ho ma na gabe songon parmahan di halahi, jana jagohon ma halahi salolot-lolotna.

MASMUR 35:19

Ulang padiar au dipargonjakkon halak na manghosomi au di na so adong dalanna. Ulang padiar au disurak-surahi halak na manghasogohon au so adong dalanna.

MASMUR 41:11

Muda nada tartaluhon halahi au, botoonku ma bahaso na jop rohaMu mida au.

MASMUR 66:17

Madung pio-pio au tuSia mangido pangurupionNa, saonnari marende au mamuji Ia.

MASMUR 79:10

Ulang paloas bangso na asing manyapai salaho tu hami, “Di dia ma Debata ni halahi?” Patidahon ma tu hami pamalosonMu maradopkon angka bangso na mamatehon angka naposoMu.

MASMUR 79:4

Gabe siincahan ni angka bangso na hombar hami, dipartatai jana diincahi halahi do hami.

ANDUNG 2:15

Mangincahi ma tu hamu angka pamolus jana martata, dibaen madung sego kota Jerusalem sudena. Didok halahi, “I ma he ibana kota na jumeges lakna? Kota pujian ni portibi on sudena?”

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

PANGARATAION 20:5

Dung i angkon dokkonon ni angka komandan do hata on tu angka tentara i, ‘Adong do ulaning sanga na ise dison na baru pajongjong bagas, na so mambaen pesta marmasuk bagas dope? Anggo adong do, angkon mulak do ia. Angke muda hona bunu ia di parporangan, tontu gabe halak na asing noma na mambaen upacara marmasuk bagas i.