MASMUR 3:5 - BIBEL JAMITA NA DENGGAN

⁵ Hupapayak jana modom au sonang, diramoti Ho do au borngin mamanjang.

MASMUR 3:5 ပူးပေါင်းရင်းမြစ်များ

MASMUR 127:2

Parcuma sajo do halolojamunu manjalahi balanjo, sogot dope ari ngot jana manonga borngin kehe modom; angke dilehen Ia do rasoki tu na nihaholonganNia, dompak modom be halahi.

MASMUR 34:5

Mararop roha tuSia do halak na hona sosak, marjop ni roha ma halahi jana nada maila.

MASMUR 4:8

Gabe modom ma au di bagasan sonang angke hum Ho do da Tuhan na bisa manjago au.

MASMUR 66:9

Dijagohon Ia do hami anso tongtong mangolu, jana nada dipadiar Ia hami dabu.

PODA 14:26

Muda dipasangap Tuhan jumpang do dame ni roha, jana dongan sabagasna dapotan gogo marpangondian.

PODA 18:10

Songon palas-palas na togu do Tuhan; tusi do maporus halak partigor anso malua.

PODA 3:24

Jadi nada marbiar ni roha be ho modom, jana sinok ma ho modom sasaborngin.

JESAYA 26:3

Dilehen Ia do dame dohot hasonangan tu halak na togu rohana, hara ni na porsaya ia tuSia.

HAMALIMON 26:6

Sonang pe Hubaen luatmunu, gabe sonang hamu modom so adong habiaran sanga tu ise pe. Huagohon pe sude angka binatang na parohon parmaraan sian luatmunu, jana porang pe nada masa disi.

BAENON NI ANGKA RASUL 12:6

Borngin i andorang so paadopon ni Raja Herodes si Petrus tu jolo ni halak na bahat, modom ma si Petrus laing dirante di antara ni dua halak tentara panjago i. Laing dijagoi tentara na asing i do sude pintu ni hurungan i.