MASMUR 29:4 - BIBEL JAMITA NA DENGGAN

⁴ Gok hagogoan do sora ni Tuhan, sora ni Tuhan gok hakuasoon.

MASMUR 29:4 ပူးပေါင်းရင်းမြစ်များ

MASMUR 33:9

Angke mandok hata Ia, gabe tarjadi ma sasudena dibaen Ia parenta, gabe adong ma sasudena.

MASMUR 68:33

diSia na mamolus awang-awang, angkasa na adong sian narobian. Tangihon bo! Gogo do Tuhan mandok hata, matuoror maradu gogo, soraNia.

MASMUR 68:34

Pabotohon ma bahaso Debata do di Israel mamarenta, di ginjang ni angka ombun markuaso Debata.

MASMUR 93:4

Ho do parkuaso godang di banua ginjang, gumogo sian laut do Ho. Gumogo dope kuasoMu ale Tuhan, ulang pado ombak ni laut na jorbut.

JESAYA 30:30

Patubegehonon ni Tuhan ma soraNia na tongam i jana ganop halak hilalaonna ma hamuruhonNia na sogen i. ParoonNia ma api na mangabiskon, udan potir, ambolas dohot bade.

JESAYA 66:6

Tangihon ma! Adong sora na gumadobur di kota, adong sora sian BagasKu. I ma da sorangKi na topet manguhumi musu i!

JEHESKIEL 10:5

Tarbege ma pamakpak ni habong ni angka kerub i lopus tu alaman parduru i songon sora ni Debata Na Markuaso i.

AMOS 1:2

Didok ia, “Marngaur Tuhan sian Dolok Sion. Mangaronggur soraNia sian Jerusalem. Hiang ma angka duhut di padang, duhut pe di Dolok Karmel maradu mahiang.”

LUKAS 4:36

Homang ma halahi sude. Marsipandohonan ma halahi sama halahi, “Marhagogoan do hataNia. Mardongan sahala dohot kuaso, dipaorot Ia angka tondi na jahat i, morot muse do angka tondi i!”

LUKAS 8:25

Dung i ninna Jesus ma tu angka siseanNia i, “Di dia do haporsayaanmunu?” Mabiar ma halahi boti homang-homang sajo. Didok halahi ma sama halahi, “Ise do ulaning on? Alogo dohot ombak pe tarparenta Ia. Patu muse do alogo dohot ombak i tuSia!”