MASMUR 29:3 - BIBEL JAMITA NA DENGGAN

³ Mangaronggur di ginjang ni laut na bidang Debata Na Marmulia marsaringar di ginjang ni aek soraNia.

MASMUR 29:3 ပူးပေါင်းရင်းမြစ်များ

JOB 36:33

Sora ni ronggur do tandana na giot ro bade manggosa, dohot lombu pe mamboto alogo na gogo noma na ro.

JOB 40:9

Gogo ma he ho songon Au? Tarbaen ma he mangaronggur soramu songon sorangKu?

MASMUR 104:3

diginjang ni aek di langit dipajongjong Ho bagasMu. Angka ombun do dibaen Ho karetaMu, na mardalan di ginjang ni habong ni alogo.

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

HARURUAR 9:28

Tangiangkon hamu ma tu Tuhan, madung tuk parkancitannami dibaen ambolas on. Marjanji ma au laho paloaskon hamu kehe. Indangkon pola tinggal be hamu dison.”

HARURUAR 9:33

Ditinggalkon si Musa ma raja i jana kehe ma ia tu balian ni kota lalu diangkat ia tangannia laho martangiang tu Tuhan. Rap maradian ma ronggur, ambolas dohot udan.

JOHANNES 12:29

Dibege halak na bahat na disi do sora i. Didok halahi ma, “Ronggur do i!” Tapi adong muse do mandok, “Nada! Surusuruan do i mangkobari tuSia!”

BAENON NI ANGKA RASUL 7:2

Dialusi si Stefanus ma, “Hamu ale angka dongan bope angka amanami! Tangihon hamu ma jolo na hudok on! Dompak so bungkas ompunta si Abraham tu Haran, hatiha di Mesopotamia dope ia, ro ma Debata na marmulia i tusia

HALUMBAAN 11:19

Gabe marbuka ma Bagas Na Badia ni Debata di banua ginjang jana tarida ma poti inganan ni surat parjanjian na di bagasan Bagas Na Badia i. Manigor ro ma hilap na sumiksak dohot sora ni ronggur na mangkutur jana na matuoror. Ro ma lalo jana madabu ma ambolas na lobi por.

HALUMBAAN 16:18

Jadi ro ma hilap na sumiksak dohot sora ni ronggur na mangkutur, jana mangalalo ma tano i gogo sajo. Na so unjung dope masa lalo na songon i mamungka sian panompaon ni jolma. On dope lalo na gumogo!

HALUMBAAN 19:6

Dung i hubege do songon sora ni jolma na bahat situtu; songon sora ni aek na godang dohot songon sora ni ronggur na gogo na mandok, “Haleluya! Harana Tuhan Debatanta Parkuaso Na Sumurung i madung gabe Raja.

HALUMBAAN 4:5

Mangaronggur ma habangsa i jana marsinondang songon sinondang ni hilap na marnyala-nyala. Jana adong muse do pitu lampu na gara di jolo ni habangsa i; i ma Tondi Parbadia na pitu i.

HALUMBAAN 8:5

Dung i dibuat surusuruan i ma pardupaan i jana dibaen ia ma banggar na gara tusi sian meja parkaulan i, didanggurkon ia ma i tu tano on. Mangkuling ma ronggur, ro ma hilap na sumiksak jana ro ma lalo.

1 SAMUEL 7:10

Di na manghaulkon haul na nitutung i si Samuel, mamungka ma halak Pilistin mangaroro; tapi laing topet ma disi mangaronggur Tuhan sian langit tu ginjang ni halahi. Gabe sarsar ma halahi marlojong so diboto be tondongonna.