MASMUR 28:3 - BIBEL JAMITA NA DENGGAN

³ Ulang uhumi au rap dohot halak na durako, rap dohot halak sibaen hajahatan na so labo. Tabo-tabo do begeon hatana manarik tu roha, hape gok hagigian do anggo di ate-atena.

MASMUR 28:3 ပူးပေါင်းရင်းမြစ်များ

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 10:7

Mamurai ia jana mangondam, sude hatania gok hagigian dohot hajahatan.

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 141:4

Padao ma au sian hagiot mambaen na jahat dohot sian pangalaho na so jadi. Ulang paloas au mardongan dohot halak na so ture jana dohot mangan di pesta ni halahi pe.

MASMUR 26:9

Ulang bunu au rap dohot pardosa, ulang buat ngolungku rap dohot siduruskon mudar.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

MASMUR 55:21

Lambok ni hatania mangapus pusu-pusu, hape rohania gok hagigian. Pangkataina maradu lambok, hape manorusi songon podang na tajom.

MASMUR 62:4

Hum na giot mandabuhon ia do halahi sian pangkatna na timbo; jop do roha ni halahi margabus; markite-hite pamangan halahi mamasumasu, tapi mamurai do halahi di bagasan roha.

MASMUR 7:14

Ligi, halak na jahat mambaen hajahatan; rohana gok na busuk dohot panipuan.

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

BILANGAN 16:26

Didok si Musa ma tu halak Israel, “Mandao ma hamu sian bandar ni halak na jahat on jana ulang dais hamu sanga tu aha pe arta ni halahi. Muda nada dioloi hamu pusaon ma hamu rap dohot halahi hara ni dosa ni halahi.”

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”