MASMUR 28:2 - BIBEL JAMITA NA DENGGAN

² Tangihon ma pangidoanku, muda huangkat tanganku adop BagasMu.

MASMUR 28:2 ပူးပေါင်းရင်းမြစ်များ

1 RAJA-RAJA 6:19

Bilik Na Sun Badia na dipauli di bagasan Bagas Ni Debata i dipasingkop baen inganan ni Poti Parjanjian ni Tuhan do.

1 RAJA-RAJA 6:5

Di dingding sabola sian pudi dohot sian topi sabola sian duru dipauli angka bilik tamba-tambana na martingkat tolu, ganop tirket 2,2 meter gincatna.

1 RAJA-RAJA 8:38

sai tangihon ma tangiang ni halahi. Muda adong sian tonga-tonga ni bangsoMu Israel na marsak roha lalu martangiang tu Ho jana pahortang tanganna adop bagas parsombaan on,

MASMUR 125:5

Tapi muda diuhum Ho halak na jahat, uhumi muse ma sanga ise na manyimbil sian dalanMu. Sai horas torkis ma bangsoMi!

MASMUR 130:2

Tangihon ma ale Tuhan pio-piongku, parrohahon ma pangidoanku.

MASMUR 134:2

Angkat ma tanganmunu adop inganan na badia, jana puji ma Tuhan!

MASMUR 138:2

Di na hupuji goarMu, laing marsomba muse au adop BagasMu na badia, angke setia do Ho jana sai marholong roha, madung dipatorang Ho, goar dohot angka parentaMu disalpui i do sasudena.

MASMUR 140:6

Ale Tuhan, huoku do Ho Debatangku; parrohahon ale Tuhan, tangiang pangidoanku.

MASMUR 141:1

Pio-pio do au tu Ho, ale Tuhan, markobas ma Ho mangurupi au. Sai manangi ma nian Ho muda pio-pio au tu Ho.

MASMUR 141:2

Jagit ma tangiangku songon haul hamonyan, tanganku na hupahortang songon haul borngin.

MASMUR 143:6

Martangiang au tu Ho dohot pahortang tangan; songon tano na hiang, tondingku manghalungunkon Ho.

MASMUR 5:7

Tapi hara ni holong ni rohaMu, tola do au masuk tu BagasMu, manungkap adop ingananMu, lalu marsomba tu Ho mardongan roha na marsitutu.

MASMUR 63:4

Mandok tarimakasi do au tu Ho salolot au mangolu, angkatonku ma tanganku lalu martangiang tu joloMu.

ANDUNG 2:19

Pupu hamu ma tarsunggul sasaborngin laho marsurak mangido ibo ni roha ni Tuhan i. Usehon na di rohamu taringot tu dakdanakmu na malean jana na marompasan di sude pangeldohan ni dalan.

DANIEL 6:10

Jadi diteken Raja Darius ma surat parenta i.

DANIEL 6:11

Dung dibege si Daniel taringot tusi, mulak ma ia tu bagasnia. Biliknia na di tingkat parginjang, adong do angka jandelana na mangadop tu sabola Jerusalem. Jana songon na somal, sai martangiang do ia tolu noli sadari jana marsinggang di jolo ni angka jandela na tarbuka i.

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.