MASMUR 27:9 - BIBEL JAMITA NA DENGGAN

⁹ Ulang ma martabuni Ho sian au. Ulang muruk Ho tu au; ulang suru kehe, naposoMu do au on. Angke sai Ho do pangurupi di au on, ulang tadingkon au, ale Debatangku, na paluahon au.

MASMUR 27:9 ပူးပေါင်းရင်းမြစ်များ

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

MASMUR 102:2

Ulang marbalik Ho sian au muda di bagasan hasusaan au. Tangihon ma muda pio-pio au, manigor ma alusi au.

MASMUR 102:3

Salpu do ngolungku songon timus, milas songon na hona purun holi-holingku.

MASMUR 119:121

Madung hubaen na denggan dohot na tigor, ulang ma pasahat au tu tangan ni alongku.

MASMUR 13:1

Lopus andigan ale Tuhan? Ro di salolotna do halupahononMu au, jana monjap sian au?

MASMUR 143:7

Alusi ma au saonnari, ale Tuhan, dibaen madung magotap arop ni roha. Ulang martabuni be tu au anso ulang songon halak na manuat tu hamatean au.

MASMUR 24:5

Pasupasuon do halahi jana paluaon tu joloan on. Tuhan mandok, halahi nada marsala.

MASMUR 44:24

Biasi ma martabuni Ho, jana dihalupahon Ho sitaonon dohot hasusaannami on?

MASMUR 51:11

Ulang ambungkon au sian adopanMu, jana ulang buat tondiMu na badia i sian au.

MASMUR 69:17

Ulang Ho martabuni tu au, naposoMon, susa do au, ompoti ma mangurupi au.

MASMUR 69:18

Ro ma Ho paluahon au, palua ma au sian angka musungku.

MASMUR 88:1

Ale Tuhan Debata sipalua au, sasadari pio-pio do au tu Ho; jana bornginna i ro do au tu adopanMi.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JESAYA 59:2

Hara ni angka dosamunu i do umbaen na so ditangihon Ia hamu. Patunda ni angka hajahatanmunu i do umbaen na sirang hamu sian Debata di na so marsomba hamu tuSia.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

1 SAMUEL 7:12

Dung i dibuat si Samuel ma sada batu, dipajongjong ia ma batu i di parbalohan ni Mispa dohot Sen. Didok ia ma, “Diurupi Tuhan do hita sapanjang pardalananta,” – jana digoari ia ma batu i “Eben-Haeser, Batu Pangurupion”.