MASMUR 27:6 - BIBEL JAMITA NA DENGGAN

⁶ Jadi saonnari madung godang au di angka musu na humaliang au. Mardongan sora na gogo marmoga-moga huhaulkon ma haul mandok tarimakasi di bagasMu; marende ma au tu Tuhan lalu mamujiSa.

MASMUR 27:6 ပူးပေါင်းရင်းမြစ်များ

PAMUNGKAAN 40:13

Di bagasan tolu ari on, paluaon ni raja i ma ho; ampunannia ma ho jana paulahonnia mangulahi tu jabatanmu na salpu i. Pasahatonmu ma mangkuk panginuman tu raja i songon na salpu i.

PAMUNGKAAN 40:20

Jadi di na marulang tahun raja i, i ma tolu ari dung i, mambaen pesta godang ma raja i di sude pagawenia; diparuar ia ma pangurus ni siinumon dohot pangurus ni rotinia i sian hurungan jana dioban ia halahi tu jolo ni sude pagawenia i.

2 SAMUEL 22:1

Dung dipalua Tuhan si Daud sian si Saul dohot sian sude musunia na asing i, diendehon si Daud ma ende on di Tuhan:

2 SAMUEL 22:49

Dipalua Ho do au sian musungku dohot sian halak na jahat. Dilehen Ho hamonangan di au maradopkon alongku.

2 SAMUEL 7:9

Ma pola Hudongani ho sanga na tu dia pe ho kehe jana Hupangabis do sandok musumu di parporanganmu. Jana giot baenonKu ho tarbonggal situtu tudos tu angka pamimpin na gumodang di tano on.

2 RAJA-RAJA 25:27

Di tanggal dua pulu pitu bulan dua bolas taon patolu pulu pituhon dung hona oban si Joyakin tu habuangan, si Ewil Merodak noma gabe raja di Babel. Laing di bagasan taon i manigor dipatuduhon ia ma ibo ni rohania tu si Joyakin, jana dipalua ma ia sian hurungan,

1 JUJUR TAON 22:18

Ning ia ma, “Madung diurupi Tuhan Debatamunu i hamu, jana dilehen dame dohot hasonangan di hamu. Dilehen Ia do hatiha hadenggananNa di au anso tartaluhon au sude angka bangso na mangingani luat on hian. Saonnari tunduk tu hamu noma halahi dohot tu Tuhan.

MASMUR 107:22

Padiar ma halahi mandok tarimakasi, jana maroban haul, mardongan ende-ende jop ni roha pabotohon karejo ni Tuhan.

MASMUR 110:7

Minum ma ho sian mual na di topi dalan, dung margogo, jombaanmu ma hamonangan.

MASMUR 119:108

O Tuhan, jagit ma tangiangku mandok tarimakasi jana ajarkon ma tu au angka parentaMu.

MASMUR 138:5

Endehonon ni halahi ma taringot tu pambaenanMu, angke na godang do kuasoMu.

MASMUR 21:1

O Tuhan, hara ni kuasoMu, marjop ni roha ma raja, marolop-olop ia, dibaen dilehen Ho hamonangan disia!

MASMUR 21:13

Hami puji do Ho Tuhan, hara godang ni kuasoMu, marende do hami mamuji hagogoanMu.

MASMUR 3:3

Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

MASMUR 3:4

Pio-pio au tu Ho ale Tuhan, sian dolokMu na badia dialusi Ho au.

MASMUR 47:1

Martopapi ma hamu marjop ni roha, hamu angka bangso sudena! Puji hamu ma Debata mardongan surak-surak!

MASMUR 57:8

Ngot ma Ho tondingku, ngot ma gambus dohot hasapi, giot sunggulanku ma andostorang i.

MASMUR 81:1

Marsurak ma hita marolop-olop di Debata, hagogoanta, di Debata ni si Jakob, marsurak ma hita marjop ni roha.

MASMUR 95:1

Beta marende hita di Tuhan, marsurak-surak di pangondinginta!

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JEREMIA 31:7

Didok Tuhan do, “Marende ma hamu marjop ni roha di Israel bangsongKi, bangso na gumodang sian sandok bangso do i. Endehon hamu ma ende puji-pujian. ‘Na teba sian bangsoNa madung dipalua Tuhan.’

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.