MASMUR 27:3 - BIBEL JAMITA NA DENGGAN

³ Haru pe dihaliangi parangan na bahat au, nada pola mabiar au. Haru ro pe musu mamorangi, tongtong mararop roha au tu Debatangki.

MASMUR 27:3 ပူးပေါင်းရင်းမြစ်များ

2 JUJUR TAON 20:15

jana mandok hata ma ia, “Daulat rajanami, maradu angka kahanggi sasudena. Pandok ni Tuhan, nada tola hamu mandele sanga mabiar mida tentara na bahat i. Angke nada hamu na marporang, tapi Debata do.

JOB 4:6

Nada he marsomba tu Debata ho? Nada he na so hasurahan ngolumu? Anggo songon i, na patut do, muda marpos ni roha jana marroha na togu.

MASMUR 112:7

Nada mabiar ia manjagit barita na jat, porsaya do ia tu Tuhan jana togu rohana.

MASMUR 3:6

Nada mabiar au hara ni alo na marribu na manghobuk au sian desa na walu.

MASMUR 3:7

Palua ma da au ale Tuhan Debatangku, uhumi jana taluhon ma sude angka musungku.

MASMUR 52:6

Paida-ida i, mabiar ma halak na daulat, jana partataanna ma ho lalu didok ma,

PILIPPI 1:28

Angkon puluk do hamu tongtong; ulang mabiar hamu mida angka alomunu. I ma tandana di halahi, paboa na angkon talu halahi jana hamu ma na monang. Angke Debata sandiri do na mambaen hamu gabe monang.

1 PETRUS 3:14

Tapi haru pe angkon manaon hamu hara ni na mambaen angka pangalaho na denggan, na maruntung do hamu disi! Ulang hamu mabiar sanga na mida ise pe jana ulang hamu tarsonggot.

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.

1 SAMUEL 19:8

Dung i masa muse ma porang mangulahi dohot halak Pilistin. Diroro si Daud ma halahi jana talu sude, jana marlojongi.