MASMUR 27:14 - BIBEL JAMITA NA DENGGAN

¹⁴ Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 27:14 ပူးပေါင်းရင်းမြစ်များ

PAMUNGKAAN 49:18

O Tuhan, hum haluaan na sian Ho do na hupainte-inte.

MASMUR 130:5

Sai tarpainte do au di pangurupion ni Tuhan, jana tu hataNia do au marhaposan.

MASMUR 138:3

Mangalusi do Ho muda pio-pio au tu Ho, marhite hagogoanMu, au dipargogoi Ho.

MASMUR 25:21

Sai hadengganan dohot hatigoran ma mangondingi au, angke Ho do pos ni rohangku.

MASMUR 25:3

Sai na pataluon do sanga ise halak na manjehei Ho, na pasti monang do halak na manghaposi Ho.

MASMUR 31:24

Papir jana patogu ma rohaMu, sude hamu na mararop roha tu Tuhan.

MASMUR 33:20

Jadi mararop roha tu Tuhan noma hita, Ia do pangurupi dohot na mambela hita.

MASMUR 37:34

Tu Tuhan ma mararop roha jana oloi ma parentaNa, gabe angkatonNia ma ho, jana baenonNia gabe nampuna di tano teanan; idaonmu ma parjahat dibaen marmorotan.

MASMUR 37:7

Pasonang ma rohamu paintehon Tuhan, sobar ma ho paima-imahon lopus dibaen Ia tindakan. Ulang mangiburu mida halak na mardohar, na mandapot hara ni na paoto-otohon.

MASMUR 40:1

Sobar do au paintehon pangurupi ni Tuhan; ditangihon jana diparrohahon Ia do pio-piongku.

MASMUR 62:1

Hupainte Debata, di bagasan sada ni rohangku, hum sian Ia sajo do haluaanku.

MASMUR 62:5

Hupasada do rohangku paintehon Debata, hum tuSia do au mararop roha.

PODA 20:22

Ulang nibaloskon hajahatan. Nihaporsayaan ma Tuhan, anso Ia paturehon.

JESAYA 25:9

Dokkonon ni halak ma di hatiha i, “Tutu ma da, Ia do antong Debatanta. I ma Tuhan na tapaima-ima laho mangalehen haluaanta. Saonnari marsurak ma hita marjop ni roha, dibaen na dung nipaluaNia hita.”

JESAYA 26:8

Hami patulus do giotMu, ale Tuhan, hum Ho sajo do haposannami dohot lungun ni rohanami.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

JESAYA 8:17

Madung ditabunihon Tuhan diriNa maradopkon bangsoNia, tapi anggo au porsaya jana mararop roha do tuSia.

ANDUNG 3:26

Antong, painte ma di bagasan sonang lopus ro Tuhan mangalehen partolongan.

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

LUKAS 2:25

Jadi di hatiha i adong ma sahalak di Jerusalem na margoar si Simeon. Halak na burju do ia, na mabiar tu Debata jana na sai paintehon hatihana paluaon ni Debata halak Israel. Didongani Tondi Parbadia do ia.

LUKAS 2:38

Topet ma hatiha i laing ro ia mamuji Debata bope mangkobari taringot tu Dakdanak i tu sude halak na sai painte-intehon sanga andigan hatihana paluaon ni Debata Jerusalem.

BAENON NI ANGKA RASUL 28:15

Tarboto ma tu angka dongan na porsaya tu Jesus na di Rom; gabe marroan ma halahi lalu tu Pasar Apius dohot tu Pasanggarahan Na Tolu mangalo-alo hami. Dung marsuo halahi dohot si Paulus di Rom, didok ia ma tarimakasi tu Debata jana sabam ma rohania.

SURAT NI SI PAULUS TU PARLAGUTAN ROM 8:25

Tapi muda mararop ni roha do hita tu na so taida dope, gabe sobar ma hita painte-intehonsa.

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

EPESUS 3:16

Hutangiangkon do anso lomo nian roha ni Debata na sun marmulia i laho patoguhon rohamunu dohot TondiNia i.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

KOLOSSE 1:11

Sai dipatogu kuaso na sian Debata na gumodang i ma nian hamu, anso tahan hamu manaonkon sanga aha pe na ro, di bagasan sobar dohot jop ni roha