MASMUR 27:11 - BIBEL JAMITA NA DENGGAN

¹¹ Ajari au ale Tuhan anso mangolu au marguru tu giotMu. Di dalan na aman ma togu au angke na bahatan do musungku.

MASMUR 27:11 ပူးပေါင်းရင်းမြစ်များ

MASMUR 119:10

Sian sandok rohangku huusahahon do laho mananda Ho, ulang padiar au manyimbil sian parentaMu.

MASMUR 139:24

Pareso ma betak na sala do dalan na hubolus, togu ma au di dalan na manongtong.

MASMUR 25:12

Diajarkon Tuhan do tu halak na unduk roha, dalan na giot bolusonna.

MASMUR 25:9

Diajari Tuhan do halak na toruk marroha, anso diihutkon halahi hagiotNia.

MASMUR 26:12

Dung i sonang ma au, dao sian hamamago, hupuji ma Ho di tonga-tonga ni bangsoMu.

MASMUR 5:8

Tuhan, na bahatan do angka musungku! Togu ma au patuluskon giot ni rohaMu, jana pahornop ma dalanMu na giot hudalani.

MASMUR 5:9

Nada haposan anggo hata ni musungku; giot ni halahi, sai mago ma nian au. Tabo do begeon hata na nidok ni halahi, hape anggo roha ni halahi hum na giot manjahati.

MASMUR 54:5

Padiar ma musungku didondoni hajahatanna sandiri, pusa ma halahi, angke setia do Ho tu au.

MASMUR 64:6

Disangkap halahi do patupa parbuatan na jat jana diambangsa ma na dung sanggam sangkapna. Nian mabagastu do dodoan roha dohot ate-ate ni jolma.

MASMUR 86:11

Ajarkon ma tu au hagiotMu ale Tuhan, anso huihutkon i marhaburjuan. Ajari ma au marpangoloion tu Ho sian sandok rohangku.

PODA 15:19

Halak na losok sai na marpupu do i susa; halak na jujur nada adong hamaolonna.

PODA 8:9

Torang do i sudena di halak na cerdas; di halak na marroha sudena i tangkas.

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

LUKAS 20:20

Jadi sai dijalahi halahi ma hatiha na denggan. Dilehen halahi ma hepeng sogok tu halak na gabe kaki tangan ni halahi jana disuru halahi ma angka kaki tangan i mangalancap songon halak na burju laho mangonjap Jesus markite-hite sapa-sapa, anso tarpasahat halahi Jesus tu toru ni kuaso ni gubernur.