MASMUR 27:10 - BIBEL JAMITA NA DENGGAN

¹⁰ Haru pe ditadingkon damang dohot dainang au, tapi anggo Debata sai tongtong do patureonNa au.

MASMUR 27:10 ပူးပေါင်းရင်းမြစ်များ

2 SAMUEL 16:11

Dung i didok si Daud dope tu si Abisai dohot tu sude naposonia i, “Salang anakku sandiri giot mamunu au do; biasi pola longang hamu marnida pangalaho ni halak Benyamin on? Tuhan do marsurusa mamurai hara ni i ulang hahua hamu ia jana padiar ma songon i mamurai ia.

MASMUR 69:8

Gabe songon halak na asing do au di kahanggingku, songon halak sileban di koum sisolkotku.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JESAYA 49:15

Dialusi Tuhan, ning Ia ma, “Adong ma he lupa sada ina, di anak na nitubuhonna? Dohonon ma he na so holong rohania di anaknia sandiri? Haru pe sugari lupa ina di dakdanakna tapi Au Tuhan, tu hamu nada ra lupa.

MATEUS 10:36

Jana alo ni halak, i ma donganna sabagas.

JOHANNES 16:32

“Ligi hamu ma: Ro ma hatihana, jana tardok madung lalu i, paserahon ma hamu. Marmulahan be ma hamu tu bagasmunu jana tinggalkononmunu ma sada Au. Hape nada mamunjung Au, angke rap do Ama i dohot Au.

JOHANNES 9:35

Dibege Jesus ma na dung dipakaruar halahi bayo i sian bagas paribadatan. Jadi dung marsuo dohot bayo i didok Jesus ma tusia, “Porsaya dehe ho tu Anak Ni Jolma i?”

2 TIMOTEUS 4:16

Di na parjolo hupajojor pambelaanku umpe sahalak na ro mandongani au; kehe do sude manadingkon au. Sai ulang ma nian dipasala Debata halahi taringot tusi!