MASMUR 27:1 - BIBEL JAMITA NA DENGGAN

¹ Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

MASMUR 27:1 ပူးပေါင်းရင်းမြစ်များ

JOB 29:3

Matua na sai diurupi Ia ma au, ditorangi Ia di na mardalan di na golap au.

MASMUR 11:1

Tu Tuhan i do au maronding-onding; nada parguna adong mandok tu au, “Palua ma dirimu songon unggas na habang tu dolok adu.”

MASMUR 118:21

Hupuji do Ho Tuhan, dibaen madung dioloi Ho tangiangku; madung dilehen Ho hamonangan di au.

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

MASMUR 18:28

Ho do hatiuranku, ale Tuhan Debatangku, Ho do na markuaso di hagolapanku.

MASMUR 18:29

Markite pangurupiMu hutaluhon musu marparangan, jana hubolus benteng partahanan.

MASMUR 18:46

Tuhan na mangolu! Nipuji ma na mambela au! Pasangap ma hagogoon ni Debata, na palua au!

MASMUR 19:14

Sai jagit ma pikiran dohot hatangku, o Tuhan, panjago bope sipalua di au.

MASMUR 3:8

Sian Ho do ro pangurupion, ibo ma rohaMu, ra ma jolo Ho mamasumasu bangsoMon.

MASMUR 43:2

Ho do Debata, pangondianku; biasi he tadingkononMu au? Biasi angkon laing torus au manaon hara ni panyosak ni angka musungku?

MASMUR 62:2

Hum Ia do na mangondihon dohot na paluahon au, Ia do mambela au, nada taluhonon be au.

MASMUR 62:6

Hum Ia do na mangondingi dohot na paluahon au, Ia do mambela au, nada tartaluhon be au.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

HARURUAR 15:2

Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 2:5

O ale hamu pomparan ni si Jakob, beta ma hita mardalan di bagasan sondang ni Tuhan!

JESAYA 45:24

Dokkonon ni halak ma, ‘Hum di Tuhan dapot hagogoan dohot hamonangan!’ Tapi manjagit hahaila ma sude na margoyak ni roha mida Ia.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JEREMIA 20:11

Tapi Ho do ale Tuhan donganku; na sun gogo do Ho boti barani. Muli madabu jana abis gogo do halahi angka na manyompiti ngolungku. Maila ma halahi sapanjangna sundat ma sude sangkapna. Paingot-ingoton ma samatua habileon ni halahi sudena.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MATEUS 8:26

Ninna Jesus ma tu halahi, “Ale hamu na menek haporsayaan, biasi he mabiar hamu?” Dung i jongjong ma Jesus manyonggak alogo dohot ombak i. Gabe so ma manigor alogo i.

LUKAS 2:30

Angke madung diida matangku sandiri haluaan na sian Ho.

LUKAS 3:6

Idaon ni halak na satano on ma haluaan na sian Tuhan!’ ”

JOHANNES 1:9

Torang na tutu na manorangi sandok jolma, ro tu portibi on.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

2 KORINTUS 12:9

Hape dialusi Tuhan ma, “Tuk ma asi ni rohangKu mida ho, harana di bagasan hagaleon do kuasongKu gabe singkop.” Hara ni i ma umbaen na sai por rohangku mamuji hagaleanku, angke muda gale au, topet ma disi huhilala diondihon hagogoan ni Kristus au.

PANGARATAION 7:18

Ulang mabiar hamu tu halahi; ingot hamu na sanga aha na dung dibaen Tuhan Debatamunu tu raja ni Mesir dohot sude rayatna i.

PANGARATAION 7:21

Jadi ulang hamu mabiar tu angka bangso i. Tuhan Debatamunu rap dohot hamu. Debata na tongam do Ia; sai habiari hamu ma Ia.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.

HALUMBAAN 22:5

Nada porlu be di halahi lampu sanga sinondang ni mataniari, angke nada adong be ro borngin disi boti hara ni na nisondangan ni Tuhan Debata do halahi. Gabe mamarenta ma halahi songon raja ro di salolot-lolotna.

HALUMBAAN 7:10

Marsora na gogo ma halahi pio-pio, “Haluaan ma di Debatanami na juguk di habangsa i, dohot di Anak Ni Biri-biri i!”