MASMUR 26:7 - BIBEL JAMITA NA DENGGAN

⁷ lalu mangendehon ende tarimakasi, dohot pabotohon pambaenanMu na godang i.

MASMUR 26:7 ပူးပေါင်းရင်းမြစ်များ

1 JUJUR TAON 16:24

Paboa hamu tu angka bangso hagodanganNia, hagogoonNa tu jolma manusia.

MASMUR 105:2

Endehon ma puji-pujian di Tuhan, baritahon hamu ma sandok hahomangan na nibaenNia.

MASMUR 118:19

Buka ma angka pintu horbangan ni Bagas Ni Tuhan, anso masuk au jana mandokkon tarimakasi tu Tuhan.

MASMUR 118:27

Tuhan do Debata, madung ditorangi Ia, hita. Tambatkon ma haul pesta i dohot tali, tu tanduk-tanduk ni langgatan i.

MASMUR 119:27

Urupi ma au mangastui angka parentaMu, pasari-sarionku ma angka hahomangan ni pambaenanMu.

MASMUR 134:2

Angkat ma tanganmunu adop inganan na badia, jana puji ma Tuhan!

MASMUR 145:5

Pabotohonon ni halahi ma hagodanganMu na marmulia i, giot endehononku do pambaenanMu na pahomangkon i.

MASMUR 72:18

Puji ma Tuhan ni Israel! Hum Ia do na patupahon pangalaho na godang.

MASMUR 9:1

Sian sasude roha hudok tarimakasi tu Ho, Tuhan. Giot paboaonku ma angka pambaenanMu na pahomangkon roha.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

MASMUR 9:2

Hara ni Ho, dapot au roha na sonang hupuji goarMu, Tuhan Na Markuaso.

MASMUR 95:2

Beta ma mangadop tuSia mardongan logu tarimakasi, marsurak-surak diSia mardongan masmur.

1 SAMUEL 1:24

Dung mantak managuk si Samuel, ditaruhon inangnia ma ia tu Bagas Ni Tuhan di Silo, haru pe laing menek sajo dope ia. Dioban si Hanna muse ma sada lombu jantan na marumur tolu taon, topung sakaleng dohot sada kantongan na gok marisi anggur.

1 SAMUEL 1:27

Na mangido dakdanak on do au tu Tuhan, jana madung ditangihon Ia pangidoanki.