MASMUR 26:10 - BIBEL JAMITA NA DENGGAN

¹⁰ Torus do halahi mambaen na jahat, tongtong marsadio manjagit hepeng suap.

MASMUR 26:10 ပူးပေါင်းရင်းမြစ်များ

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 11:2

Angke halak na jahat manyintak sior lalu pamasukkon anakna. Di na golap ia marmetar tu halak na bulus marroha.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

MASMUR 52:2

Mangicu jana mambaen sangkap na jat do ho sasadari, dilamu pe songon piso cukur na tajom.

HARURUAR 23:8

Ulang jagit hamu hepeng sisip, angke gabe mapitung do halak tu na tigor baenon ni hepeng sisip jana mangarugihon do i diparkaro ni angka halak na so marsala.

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

JESAYA 33:15

Tarbaen hamu do martahan disi muda tigor hamu mandok hata jana dibaen hamu na denggan. Ulang pake hamu kuasomunu laho manggabusi halak na pogos, jana ulang jagit hamu hepeng sogok, ulang dohot-dohotan hamu tu halak na mambaen sangkap mamunu jolma sanga mambaen hajahatan na asing.

AMOS 5:12

Huboto do sanga songon dia godang ni hajahatanmunu dohot bahat ni dosamunu. Disosak hamu do halak na burju; dijagit hamu do sogok jana dipadiar hamu do dibaen na so tigor tu halak na pogos di paruhuman.

MIKA 7:3

Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat.

BAENON NI ANGKA RASUL 23:12

Manyogotna i, adong ma halak Jahudi marlagut mambaen kompolotan. Disumpahon halahi ma na so ra halahi mangan sanga minum anggo so jolo dibunu halahi si Paulus.

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

1 SAMUEL 8:3

Tapi nada diihutkon halahi pangalaho ni amang ni halahi, hum hauntungan tu dirina sajo do na dipikirkon ni halahi. Manjagit hepeng sogok do halahi jana nada tigor dibaen halahi mamutuskon angka parkaro.