MASMUR 25:9 - BIBEL JAMITA NA DENGGAN

⁹ Diajari Tuhan do halak na toruk marroha, anso diihutkon halahi hagiotNia.

MASMUR 25:9 ပူးပေါင်းရင်းမြစ်များ

MASMUR 119:35

Sai gomos ma au marsitiopan tu parentaMu, angke martua do au marhite na mangoloisa.

MASMUR 119:66

Lehen ma bisuk dohot parbinotoan tu au, angke porsaya do au tu angka parentaMu.

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

MASMUR 147:6

Diangkat Ia halak na hona sosak, tapi anggo parjahat ditombomkon Ia tu tano.

MASMUR 149:4

Jop do roha ni Tuhan di bangsoNia, halak na toruk marroha dilehen Ia hamonangan.

MASMUR 22:26

Marmanganan ma halak na pogos lopus butongan, halak na manjalahi Tuhan, pujionna ma Ia. Sai anggiat ma halahi tongtong sonang ro di salolot-lolotna.

MASMUR 23:3

Dilehen Ia di au gogo na imbaru, jana ditogu Ia do au di dalan na tigor hombar tu na nijanjihonNia.

MASMUR 27:11

Ajari au ale Tuhan anso mangolu au marguru tu giotMu. Di dalan na aman ma togu au angke na bahatan do musungku.

MASMUR 73:24

Ditogu Ho do au marhite sipaingot, jana giot lehenonMu hatuaan di au sogot.

MASMUR 76:9

di hatiha na jongjong Ho giot manguhumi laho paluahon halak na hona sosak di portibi.

PODA 8:20

Dalan hajujuron do na huihutkon, di dalan hatigoran do na hulangkahon.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

JEHESKIEL 36:27

DuruskononKu ma tondingKi tu bagasan rohamunu jana sai jagoanKu ma hamu anso mardalan mangihutkon angka aturan na sian Au jana anso mangoloi di sude na Huparentahon.

ZEPANYA 2:3

Jalahi ma Tuhan, ale hamu angka na toruk roha di luat on, na mangoloi parentaNia; jalahi ma hatigoran, jalahi ma toruk ni roha; betak na adong dope di hamu parlinggoman di hatiha hamumuruk ni Tuhan.

MATEUS 5:5

Martua ma angka na lambok roha; dibaen teanon ni halahi do portibi on.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

BAENON NI ANGKA RASUL 13:10

didok ia ma, “O anak ni Sibolis! Ho ma musu ni sude na denggan. Biasi dope laing so ra mantak ho manyego-nyego Dalan Ni Tuhan na tigor i?

BAENON NI ANGKA RASUL 9:2

mangido surat kuaso anso tola ia kehe tu angka bagas paribadatan ni halak Jahudi di Damaskus laho manangkupi angka halak na mangihutkon dalan ni Tuhan na dapot ia, halaklahi bope dadaboru, anso dioban ia halahi tu Jerusalem.

GALATIA 5:23

martoruk ni roha jana tarrajaisa dirina. Nada adong uhum na mangalo angka aturan i.

IBRANI 10:20

Madung dibuka Ia dalan na imbaru, jana na mangolu do hita markite-hite tire i, i ma pamatang ni Jesus sandiri.

JAKOBUS 1:21

Antong hara ni i, ambungkon hamu ma sude hasomalan na hodar dohot na jat. Jagit hamu ma di bagasan toruk ni roha Hata na nisuan ni Debata di bagasan rohamunu, angke margogo do Hata i laho paluahon hamu.

1 PETRUS 3:15

Tapi di bagasan rohamunu, parbadia i hamu ma Kristus songon Tuhan! Jana angkon singkop do hamu tongtong laho mangalusi sanga ise na manyapai hamu taringot tu pos ni rohamunu di angka na niarop ni rohamunu sian Tuhan.

1 PETRUS 3:4

Tapi na sian roha ma nian hajegesonmunu; umpamana halambohon dohot hadameon ni pangalaho; i do hajegeson na manongtong na mararga situtu di parnidaan ni Debata.