MASMUR 25:5 - BIBEL JAMITA NA DENGGAN

⁵ Ajari au mangolu hombar tu hagiot ni rohaMu, angke Ho do antong Debatangku; Ho do na palua au, sai tu Ho do mararop ni roha au.

MASMUR 25:5 ပူးပေါင်းရင်းမြစ်များ

PAMUNGKAAN 49:18

O Tuhan, hum haluaan na sian Ho do na hupainte-inte.

NEHEMIA 9:20

Marhite kuasoMu na denggan i, diajar Ho do halahi. Mangan manna halahi jana minum aek tuk disi.

JOB 36:22

Ingot ma da, na santak godang kuaso ni Debata. Adong dehe guru songon godangNia?

MASMUR 107:7

Mamolus sian dalan na lidang halahi ditogu Ia, tu inganan parmianan di sada kota.

MASMUR 119:26

Huoku do parbuatanku, gabe dialusi Ho au; ajari ma au mardalan mangihutkon aturanMu di ngolungku.

MASMUR 119:33

O Tuhan, ajari ma au mangastui hatontuanMu, anso sai tongtong ma i patulusonku.

MASMUR 119:66

Lehen ma bisuk dohot parbinotoan tu au, angke porsaya do au tu angka parentaMu.

MASMUR 119:97

Holong sajo do rohangku mida TonaMu, jana sai hupasari-sari do i sasadari.

MASMUR 22:2

Ale Debatangku, hatiha arian au pio-pio, tapi laing tongtong do hohom Ho. Hatiha borngin martangiang au, laing nada sonang rohangku.

MASMUR 24:5

Pasupasuon do halahi jana paluaon tu joloan on. Tuhan mandok, halahi nada marsala.

MASMUR 25:10

Tu halak na patulus parjanjian dohot aturanNia dibaen Ia holong ni roha dohot habonaranNia.

MASMUR 25:8

Angke na denggan do Tuhan jana tigor do haputusanNia, dipatidahon Ia do dalan tu halak pardosa.

MASMUR 68:20

Debata na paluahon do anggo Debatanta Debata, Tuhanku mangalehen haluaan sian hamatean.

MASMUR 79:9

Ale Debata, sipaluanami, urupi ma hami hara ni goarMu na godang i. Sesa ma angka dosanami, palua ma hami hara ni goarMi.

MASMUR 86:3

Martangiang au sasadari tu Ho, Debatangku do Ho, ibo ma rohaMu di au.

MASMUR 88:1

Ale Tuhan Debata sipalua au, sasadari pio-pio do au tu Ho; jana bornginna i ro do au tu adopanMi.

PODA 23:17

Ulang iba mangiburu mida halak pardosa. Oloi ma torus Tuhan,

PODA 8:34

Martua ma sanga ise na manangihon au, na juguk ganop ari paintehon di pintu ni bagasku.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 49:10

Nada malean halahi sanga manguas, alogo na milas dohot mataniari na mamilngas pe nada hona tu halahi, Au na manghaholongi halahi, sai mandongani, jana tu angka mual na gok aek toguonKu halahi.

JESAYA 54:13

Au sandiri mangajari angka anakmu, anso mangolu sonang nian boti makmur.

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

MIKA 7:7

Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?

JOHANNES 14:26

Tapi Tondi Parbadia i ma na mangajarkon sasudena i tu hamu. Ia do Pangurupi na giot suruhonon ni Ama i markite-hite goarKu. Pangurupi i ma paingotkon tu hamu sasudena na dung Hupaboa i tu hamu.

JOHANNES 16:13

Tapi muda dung ro Tondi ni hasintongan i pabotohonNia ma hatutuan salaho tu Debata, Ia ma na manguluhon hamu laho mananda sude hatutuan. Nada dohononNia sanga aha sian roha-rohaNia sandiri; hum taringot tu na nibegeNia do hatahononNia. Jana paboaonNia ma tu hamu sanga angka aha na giot masa tu pudian ni ari.

JOHANNES 6:45

Tarsurat do di buku ni angka panurirang songon on: Ajaran ni Debata ma sudena halak. Jadi sudena halak na manangihon Debata jana na marsiajar sian Ia, angka halahi ma na ro tu Au.

SURAT NI SI PAULUS TU PARLAGUTAN ROM 8:14

Sanga ise na nitogu-togu ni Tondi Ni Debata, i do dakdanak ni Debata.

1 JOHANNES 2:27

Harana di bagasan dirimunu tinggal do pamiahion na dung nijagitmunu sian Ia. Hara ni i nada porlu hamu ajaran ni halak na asing, tapi songon dia pamiahonNia mangajari hamu taringot tu sudena – jana sintong do pangajaranNia i; nada gabus – jana songon dia Ia mangajari hamu na jolo, songon i muse ma nian hamu maringanan di bagasan Ia.

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”