MASMUR 25:14 - BIBEL JAMITA NA DENGGAN

¹⁴ Ale-ale ni Tuhan do halak na mabiar tuSia jana dipaboa Ia do janjiNa tu halahi.

MASMUR 25:14 ပူးပေါင်းရင်းမြစ်များ

PAMUNGKAAN 17:13

Ganop halak na sorang di bagasmu dohot halak na nitobusanmu dohot hepeng angkon disunat, jana di dagingmu do parjanjianKu salolot ni lolotna.

PODA 3:32

angke sogo do roha ni Tuhan mida halak na mambaen na jahat, tapi dipatulus Ia do sangkap ni halak na tigor.

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

JOHANNES 14:17

i ma Tondi ni hasintongan. Nada tarjagit portibi on Tondi i, angke nada diida portibi on Ia jana nada ditanda halahi muse. Tapi anggo hamu, ditanda hamu do Tondi i angke rap dohot hamu do Ia tongtong mangolu, jana di bagasan hamu muse do Ia.

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

JOHANNES 17:6

Madung Hupatorang Ho Amang tu angka jolma na sian portibi on, i ma na dung nipasahatMu tu Au. Ho do Amang nampuna halahi; jana madung dipasahat Ho halahi tu Au. Madung diihutkon halahi hata na nilehenMi.

JOHANNES 7:17

Sanga ise na ra mangihutkon hagiot ni Debata, botoon ni halahi ma sanga na sian Debata do pangajaranKi, sanga na sian roha-rohangKu sandiri.

1 KORINTUS 2:14

Halak na so maruli Tondi Ni Debata, nada tarjagitsa di bagasan rohana sanga aha na nipatorang ni Tondi i. Harana songon haotoan do angka na songon i di halahi. Nada haastuan halahi angka pangalaho na songon i, angke angkon sian partondion do i tarastui.

EPESUS 1:18

Hupangidohon anso torang mata ni rohamunu dibaen Ia, anso diastui hamu sanga aha na patut aropon ni rohamunu sian Debata na mamiohon hamu, bope hamoraon ni hasangapan, siteanon na nitontuhonNia di angka halak na porsaya.

EPESUS 1:9

Sian rohaNia sandiri dipaboa Debata do tu hita rahasia ni sangkapNia. I ma sangkap na dung nitontuhonNia humani sian mulana, angkon markite-hite Kristus do i pasidungonNia.

PANGARATAION 4:13

Disi do dipabotohon Ia tu hamu sanga aha sipatupaonmunu laho manggohi parjanjian na nibaenNia dohot hamu. Parenta na sampulu na nisuratkonNia tu batu na dua hoping i angkon oloanmunu do.

KOLOSSE 3:3

Angke madung mate hamu, jana buni do ngolumunu rap dohot Kristus di bagasan Debata.

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”