MASMUR 25:13 - BIBEL JAMITA NA DENGGAN

¹³ Sai na mardame do ngoluna, tano pusako teanon ni anak maradu pahompuna.

MASMUR 25:13 ပူးပေါင်းရင်းမြစ်များ

MASMUR 112:2

Markuaso ma angka dakdanakna di luat i, dipasupasu ma angka pomparan ni na burju i.

MASMUR 31:19

Na lobi do antong hadenggananMu na nipasingkopMu di halak na mabiar tu Ho! Diboto halak do sude sanga aha na nibaenMu, tu halak na marsilaung tu Ho.

MASMUR 36:8

Butongan hami di sipanganon na marlobi-lobi na niparadeMu, mardongan inumon na sian batang aekMu na patogarkon.

MASMUR 37:11

Halak na serep marroha, i do nampuna tano, na mangarasoi dame dohot hasonangan na tarlobi.

MASMUR 37:22

Sanga ise na nipasupasu ni Tuhan, i do na dapotan tano, hape anggo halak na niburaanNia, usiron do i kehe.

MASMUR 37:26

Matua na painjamkon ma i jana mangalehen, jana angka dakdanakna gabe pasupasu do i disia.

MASMUR 37:29

Halak na daulat do nampuna tano teanan, jana manginganisa sapanjangna.

MASMUR 37:34

Tu Tuhan ma mararop roha jana oloi ma parentaNa, gabe angkatonNia ma ho, jana baenonNia gabe nampuna di tano teanan; idaonmu ma parjahat dibaen marmorotan.

MASMUR 37:9

Angke agohonon do sanga ise na mambaen jahat, tapi anggo na mararop roha tu Tuhan, i do nampuna tano teanan.

MASMUR 63:5

Pujionku do Ho marhite angka ende na riang-riang, dibaen dipasombu Ho rohangku songon na mangankon sipanganon na tabo.

MASMUR 69:36

jana pateankonon tu pomparanna; angka halak na manghaholongi Tuhan noma manginganisa.

PODA 1:33

Tapi anggo halak na manangihon au tarjamin do. Aman ngoluna jana nada porlu mabiar ia.”

PODA 19:23

Biar mida Tuhan parohon hangoluan, jadi marbongin ma jolma di bagasan jop ni roha, nada ditinggang parhancitan.

PODA 20:7

Maruntung do anak na marama, na jujur boti na patulus hagiot ni Debata.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

JESAYA 65:23

Manjadi do sude na nikarejohon ni halahi, jana angka dakdanak ni halahi pe nada hona mara. PasupasuonKu ma halahi dohot pomparan ni halahi ro di salolot-lolotna.

JEREMIA 32:39

LehenonKu ma tu halahi sada sajo tujuan ni ngoluna: i ma, pasangapkon Au salolot-lolotna; na patongon na denggan do i tu halahi sandiri, dohot tu pomparan ni halahi.

ZEPANYA 3:17

Diondihon Tuhan Debatamunu na gogo i do hamu. Hara ni gogo ni kuasoNia, monang hamu. Marmoga-moga Tuhan jana marjop ni roha hara ni hamu, di bagasan holong ni rohaNa dilehen Ia di hamu ngolu na imbaru. Hara ni hamu marende ma Ia jana marjop ni roha hara ni hamu,

ZAKARIA 9:17

Dengganna i antong jana jeges! Gandum do mambaen magodang angka doli-doli jana anggur mambaen magodang angka bujing-bujing.

MATEUS 5:5

Martua ma angka na lambok roha; dibaen teanon ni halahi do portibi on.

BAENON NI ANGKA RASUL 2:39

Angke tu hamu do ale angka dongan, dohot tu pomparanmunu, songon i muse tu angka halak na maringanan di na dao do na nijanjihon ni Debata i – i ma sudena halak na nipiohon ni Debata Tuhanta i anso ro tuSia.”

PANGARATAION 33:12

Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”

PILIPPI 4:19

Pasingkopon ni Debatangku ma sudena na hasaya di hamu mangihutkon hagabeanNia na so tarsuhat i na adong di Kristus Jesus.

1 PETRUS 3:10

Di Buku Na Badia i tarsurat do songon on, “Sanga ise na giot maruli hangoluan jana na giot mandai angka ari na denggan, angkon jagohononna do dilana anso ulang dohot mangkobari angka na jat jana ulang mandok hata gabus bibirna.

2 PETRUS 3:13

Tapi na painte-intehon na nijanjihon ni Debata do hita, i ma langit na imbaru dohot tano na imbaru. Disi ma dapot na tigor salolot-lolotna.