MASMUR 25:11 - BIBEL JAMITA NA DENGGAN

¹¹ Tuhan, songon janjiMi ampuni ma au, angke bahat situtu do dosangku.

MASMUR 25:11 ပူးပေါင်းရင်းမြစ်များ

MASMUR 109:21

Tapi hombar tu janjiMu, urupi ma au, ale Debata, Tuhanku palua ma au hara ni hadengganan dohot holong ni rohaMu.

MASMUR 143:11

Palua ma au hombar tu janjiMu, ale Tuhan, hara ni denggan ni basaMu, palua ma au sian hasusaan.

MASMUR 31:3

Ho do haporusanku dohot partahananku, togu-togu ma au hombar tu janjiMu.

MASMUR 79:9

Ale Debata, sipaluanami, urupi ma hami hara ni goarMu na godang i. Sesa ma angka dosanami, palua ma hami hara ni goarMi.

HARURUAR 34:7

Hupatulus do baga-bagangKu tu marribu-ribu sundut jana Huampuni do hajahatan dohot dosa i tapi nada lalap boti Au manguhumi parjahat bope dakdanak dohot pahompumunu lopus tu sundut patoluhon dohot paopatkon hara ni dosa ni simatobang ni halahi.”

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

JESAYA 48:9

Hara ni goarKu, Huorom do murukKu, jana hara ni habonggalonKu Huhaholongi ho, hara ni i ma umbaen nada Hupangabis ho.

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

JEHESKIEL 20:9

Tapi nada Hupalalu i anso ulang marlayas goarKu dibaen angka bangso di tano na niinganan ni halahi. Harana na dung Hupabotohon do tu bangso Israel di jolo ni angka bangso-bangso i, na giot obanonKu halahi ruar sian Mesir.

JEHESKIEL 36:22

Jadi hara ni i, palalu ma sanga aha na Hudok, Au Tuhan Debata mandok tu halak Israel, ‘Sanga aha na giot baenonKu sanoli on, nada hara ni hamu, ale angka halak Israel, tapi hara ni goarKu na badia i do, na nipahodarmu sanga na tu dia pe hamu kehe.

SURAT NI SI PAULUS TU PARLAGUTAN ROM 5:15

Tapi silehen-lehen ni Debata nada sarupa dohot pangalaosion ni si Adam. Hara ni pangalaosion ni sisada halak i gabe bahat mate jolma dibaensa. Hape dao gumodang dope akibat ni asi ni roha ni Debata dohot silehen-lehenNia na dung diusehon Ia tu bahat halak hara ni Sada Halak, i ma Jesus Kristus.

1 JOHANNES 2:12

Hubaen surat on tu hamu angka dakdanak, dibaen madung disesa dosamunu hara ni goarNia.