MASMUR 24:3 - BIBEL JAMITA NA DENGGAN

³ Ise do na patut manangkok tu Dolok Ni Tuhan, ise do na patut jongjong di ingananNia na badia i?

MASMUR 24:3 ပူးပေါင်းရင်းမြစ်များ

1 JUJUR TAON 15:1

Dibaen si Daud ma disia angka bagas di Kota Ni si Daud, jana dipasingkop ia ma inganan ni Poti Parjanjian ni Debata jana dibaen ia ma undung-undung inganan ni Poti i.

MASMUR 15:1

Tuhan, ise ma na tarbaen manompang di bagasan undung-undungMu, jana ise tarbaen marsomba di dolok ingananMu?

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 65:4

Martua do sanga ise na nitodoMu, jana na nipiohonMu anso maringanan di alamanMu. Butongan ma hami dohot angka na denggan i, di BagasMu, di parmiananMu na badia i.

MASMUR 68:18

Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

JEHESKIEL 44:5

jana didok Tuhan ma tu au, “Ale anak ni jolma parsantongkinan tangkas ma parrohahon sanga aha na niidamu dohot na nibegemu. PaboaonKu ma tu ho sude paraturan dohot uhum salaho tu BagasKon. Tangkas ma suratkon sanga na angka ise na tola masuk tu BagasKon dohot na so tola masuk.

JEHESKIEL 44:9

Au Tuhan Debata, pabotohon, ganop halak sileban na so marsunat dohot halak na so marpangoloion tu Au, nada tola masuk tu BagasKi. Laing songon i muse do dohot tu halak sileban na hot maringanan ditonga-tonga ni bangso Israel.”

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

JOHANNES 13:36

“O Tuhan, na giot tu dia do Ho Tuhan?” ning si Simon Petrus manyapai Jesus. Didok Jesus ma, “Na giot kehe do Au tu sada inganan, tapi nada tarihutkon ho Au tusi saonnari. Tu pudi on pe ihutkononmu Au.”

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

IBRANI 12:28

Hara ni na dung tajagit harajaan na so tarhutur i, beta ma tadok tarimakasi jana mangoloi tu Debata mangihutkon angka tona na tama tuSia, mardongan sangap dohot biar.