MASMUR 24:1 - BIBEL JAMITA NA DENGGAN

¹ Tuhan do nampuna tano dohot pangisina, portibi dohot sude na manginganisa.

MASMUR 24:1 ပူးပေါင်းရင်းမြစ်များ

1 JUJUR TAON 29:11

Tutu do Ho na godang, jana na markuaso. Marmulia do Ho, manongtong jana na godang. Ho do nampuna sasude na adong di langit dohot na di tano on. Raja na bonggal do Ho, na mangarajai sandok na adong.

1 JUJUR TAON 29:16

Ale Tuhan, Debatanami, hami palagut do angka barang sigodang arga on dison laho pajongjongkon sada bagas di Ho anso tarbaen hami pasangapkon goarMu na badia i. Tapi sian Ho sandiri do hami jagit i sudena jana laing Ho muse do nampunasa.

2 JUJUR TAON 25:9

“Tapi bia ma taringot tu perak na dung sanga i hulehen tu halahi?” ning si Amasia marsapa. Dialusi panurirang i ma, “Tarpaulak Tuhan do tu raja i lobi sian i!”

JOB 34:13

Sian ise he lakna dijagit Debata kuasoNia? Ise ma he na pasahatkon portibi on tuSia?

JOB 41:11

Ise ma na mangalosa na so hona mara? Sahalak pe nada adong tarbaensa di tano on sudena.

JOB 41:3

Mungkin ma he ra ia mangido anso dipalua ho? Sanga martahi tu ho, mangido ibo ni roha sian ho?

MASMUR 50:10

angke Au do nampuna sude binatang na di harangan, dohot pahan-pahanan di angka dolok na marribu.

MASMUR 50:12

Muda male Au, nada pola paboaonKu i tu ho, angke Au do nampuna portibi on dohot isina.

MASMUR 89:11

Langit dohot portibi Ho do nampuna i, tano dohot isina sude na nitompaMu do i.

MASMUR 89:12

Ho do na manjadihon Utara dohot Selatan, Dolok Tabor dohot Hermon marsurak di Ho marhamogaan.

MASMUR 98:7

Gumadobur ma ale laut dohot sude isina, portibi dohot sandok na manginganisa.

HARURUAR 19:5

Saonnari, muda ra do hamu mangoloi na Hudok jana ingot rohamunu tu parjanjianKu, baenonKu ma hamu gabe bangso, hapunjunganKu sandiri. Au do nian nampuna tano on sudena,

HARURUAR 9:29

Didok si Musa ma tu raja i, “Disi haruar au sian kota on, angkatonku ma tanganku martangiang tu Tuhan. Mantak ma ronggur i, siang ma udan ambolas, anso diboto hamu, Debata do nampuna tano on.

DANIEL 4:25

Paoroton ma raja i sian tonga-tonga ni parngoluon ni jolma, jana mangolu di tonga-tonga ni angka binatang noma di padang. Pitu taon honokna sai mangan ruput raja i songon lombu jana modom di tano lapang na so martarup, gabe marombun-ombun. Dung salpu i, okuon ni raja i ma paboa na markuaso do Na Gumincat i di ginjang ni harajaan ni jolma, jana dilehen Ia harajaan i tu sanga ise sajo na nitodo ni rohaNia.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

NAHUM 1:5

Humutur do angka dolok muda ro Tuhan; gabe malala do angka tor di adopanNia. Muda masuk Tuhan, humutur ma portibi, humutur ma tano dohot sude pangisina.

1 KORINTUS 10:26

Angke tarsurat do di Buku Na Badia i, “Tuhan do nampuna tano on dohot sude isina.”

PANGARATAION 10:14

Tuhan Debatamunu do nampuna langit na partimbo, tano on pe Ia do nampunasa, maradu sude na adong di ginjangna.