MASMUR 23:6 - BIBEL JAMITA NA DENGGAN

⁶ Huboto do denggan ni rohaMu mida au, jana sai tongtong do Ho manghaholongi au. Jadi tola ma au mian di BagasMu, salolot au mangolu.

MASMUR 23:6 ပူးပေါင်းရင်းမြစ်များ

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 21:4

Dipangido ia ngolu; umur na ginjang dilehen Ho disia, dohot dope ngolu na salolotna.

MASMUR 27:4

Hum sada do na hupangido tu Tuhan, hum i ma na huhalungunkon: Tinggal di Bagas Ni Tuhan salolot ni ngolungku, laho mandai hadengganan ni Tuhanku jana mangido panogunoguonNa.

2 KORINTUS 1:10

Ia do na palua hami sian parmaraan godang na giot mamatehon i. Jana laing paluaonNia do hami tu angka ari na giot ro, angke tuSia do hami mararop ni roha.

2 KORINTUS 5:1

Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.

PILIPPI 1:23

Angke rap mandasdas do pangalaho na dua i tu au. Lungun sajo do nian rohangku manadingkon portibi on anso rap iba dohot Kristus, angke i do na dumenggan;

2 TIMOTEUS 4:18

Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.