MASMUR 23:5 - BIBEL JAMITA NA DENGGAN

⁵ Dipasingkop Ho do pesta di au, laing dipaida-ida angka musungku. Dijaluangi Ho do au songon tamu na sangap. Disurduhon Ho dope tu au inumon na tabo maradu marlobian.

MASMUR 23:5 ပူးပေါင်းရင်းမြစ်များ

JOB 36:16

Madung dipalua Debata ho sian hamaolon, gabe tarbaen ho mandai hadameon, bubung mejamu dohot sipanganon.

MASMUR 104:15

jana na mangalehen aek ni anggur hasonangan, dohot miak zetun na mambaen tata bohina, maradu panganon na mangalehen hagogoan disia.

MASMUR 116:13

Obanonku ma anggur baen haul di Tuhan mandok tarimakasi hara ni pangurupiNa.

MASMUR 16:5

Ho sajo do, Tuhan na gabe bagianku; sude na porlu di au, lehenonMu; di tanganMu do ngolungku.

MASMUR 22:26

Marmanganan ma halak na pogos lopus butongan, halak na manjalahi Tuhan, pujionna ma Ia. Sai anggiat ma halahi tongtong sonang ro di salolot-lolotna.

MASMUR 22:29

Sude halak na jungkat marsomba ma tuSia, sandok bangso ni jolma mangunduk ma tuSia.

MASMUR 45:7

Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

MASMUR 78:19

Dialo halahi do Debata di na nidok ni halahi, “Margogo ma he lakna Debata mangalehen mangan hita di parhorsihan on?

MASMUR 92:10

Dibaen Ho gogongku songon gogo ni lombu jonggi, jana dipasupasuhon Ho tu au hatuaan.

MASMUR 92:11

Madung huida musungku ditaluhon, madung hubege angguk ni angka halak na jahat.

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

AMOS 6:6

Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel.

MATEUS 6:17

Tapi anggo hamu, muda puaso, paias ma bohimunu, marsuri hamu.

LUKAS 7:46

So adong dibaen ho miak tu ulungKu, hape anggo anak boru on miak na huskus do diusehon ia tu patKu.

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

1 KORINTUS 10:16

Nada he panginuman hatarimakasion do on, na marhite i tadok tarimakasi, i ma na patuduhon na dung sada do hita hara ni mudar ni Kristus i? Jana nada he roti na tabagi-bagi i do na patuduhon hasadaonta di bagasan pamatang ni Kristus i?

2 KORINTUS 1:21

Debata sandiri do na mambaen hami dohot hamu gabe togu marsada dohot Kristus; laing Ia muse do na mamiahi hita.

EPESUS 3:20

Markite-hite kuaso ni Debata na marsitutu i markarejo di bagasan dirinta, tarpatupa Debata do dao umbahat dope sian angka na hita pangido dohot na tapikirkon.

1 JOHANNES 2:20

Jadi madung dimiahi Na Badia i hamu, gabe sude ma hamu umbotosa.

1 JOHANNES 2:27

Harana di bagasan dirimunu tinggal do pamiahion na dung nijagitmunu sian Ia. Hara ni i nada porlu hamu ajaran ni halak na asing, tapi songon dia pamiahonNia mangajari hamu taringot tu sudena – jana sintong do pangajaranNia i; nada gabus – jana songon dia Ia mangajari hamu na jolo, songon i muse ma nian hamu maringanan di bagasan Ia.