MASMUR 23:4 - BIBEL JAMITA NA DENGGAN

⁴ Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

MASMUR 23:4 ပူးပေါင်းရင်းမြစ်များ

JOB 24:17

Mataniari bincar habiaran godang do disia, hape anggo golap manyantak, i do na pasonang rohana.”

JOB 3:5

Baen ma ari i mangalomlom, manggolap mambulita, mangarambon jana samon; ombun bope sonja tutupkon tusi, gupgupi muse sian sinondang ni mataniari.

MASMUR 110:2

Sian Sion pabidangon ni Tuhan ma harajaanmu, markuaso ma ho di tonga-tonga ni angka musumu.

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

MASMUR 138:7

Dompak ro siarsakkonon tu iba, dijago Ho do au anso tongtong sonang. Dialo Ho do musungku na gasa-gasaon jana dipalua Ho do au marhite kuasoMu.

MASMUR 14:5

Tapi tongkin nari gaor ma halahi gok habiaran dung diida halahi jolma na niurupan ni Tuhan.

MASMUR 3:6

Nada mabiar au hara ni alo na marribu na manghobuk au sian desa na walu.

MASMUR 44:19

Hape ditadingkon Ho do hami di bagasan hagolapan, na so margeldok di tonga-tonga ni binatang harangan.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

MIKA 7:14

Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.

ZAKARIA 11:10

Jadi hubuat ma tungkot na hugoari i. “Ihot-ihot” jana huponggolkon ma i laho mambotalkon parjanjian na nibaen ni Tuhan dohot sandok bangso.

ZAKARIA 11:14

Dung i huponggolkon ma tungkotku na paduahon, i ma na hugoari “Ihot-ihot”, jadi gabe matapor ma hasadaon ni Juda dohot Israel.

ZAKARIA 8:23

Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

LUKAS 1:79

Songon i ma dilehen Ia sinondangNia tu sude halak na mangolu di bagasan hagolapan dohot biar. Togu-toguonNia ma hita di dalan hadameon.”

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!