MASMUR 22:8 - BIBEL JAMITA NA DENGGAN

⁸ Ninna halahi, “Dipangasahon ho do Tuhan; biasi nada ro Ia paluahon? Anggo jop do roha ni Tuhan mida ho, biasi nada ditolong Ia ho?”

MASMUR 22:8 ပူးပေါင်းရင်းမြစ်များ

JOB 16:4

Sugari sura hamu au, jana au hamu, au pe laing malo do pajojor na nidokmunu. Husabur tu hamu hata na gara; mopeng-openg ma nibaen uluniba.

MASMUR 109:25

Madung gabe jaya au di halahi, mupir-upir ulu ni halahi marnida au.

MASMUR 18:19

Dipalua Ia do au sian parmaraan, angke dibaen Ia au gabe haholongan.

MASMUR 37:5

Pasahat ma ngolumu tu Tuhan, tuSia ma ho mararop roha, dumpang ma tolonganNia.

MASMUR 42:10

Magopu rohangku hara ni pangincahi ni musu i. Sai torus do sapa-sapa halahi, “Di dia ma he Debatami?”

MASMUR 55:22

Pasahat ma holos ni rohamu tu Tuhan, jadi pargogoanNia ma ho, angke nada unjung Ia padiarkon halak na tigor ditaluhon.

MASMUR 71:11

Didok halahi, “Madung ditadingkon Debata ia; beta ma takojar jana tatangkup ia, angke nada adong be na paluahonsa.”

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

PODA 16:3

Pangido ma Tuhan mamasumasu karejomu, gabe tulus ma sude sangkapmu.

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

MATEUS 12:18

“Ligi ma suruanKu na Hutodo i, haholongan ni roha na pajopkon rohangKu. TuSia ma lehenonKu tondingKu, dung i jamitahononNia ma tona tu angka bangso.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

LUKAS 23:35

Dibagi-bagi halahi be ma disi pakean ni Jesus, i ma markite-hite lotere. Marjongjongan do angka jolma i disi paida-ida sudena i, jana laing mangincak-incahi ma angka hatobangon ni halak Jahudi tu Jesus. Ninna halahi ma, “Anggo halak na asing madung dipalua Ia; padiar ma dipalua Ia diriNia sandiri, paboa na tutu situtu ma Ia Kristus na nitodo ni Debata i!”