MASMUR 22:30 - BIBEL JAMITA NA DENGGAN

³⁰ Oloan ni angka sundut na mangihut tu Tuhan, marsundut-sundut Ia baritahononna.

MASMUR 22:30 ပူးပေါင်းရင်းမြစ်များ

MASMUR 102:28

Sonang so haribo-riboan ma ngolu ni angka dakdanak ni naposoMon, jana anak dohot pahompu ni halahi sai tongtong adong di adopanMu.

MASMUR 14:5

Tapi tongkin nari gaor ma halahi gok habiaran dung diida halahi jolma na niurupan ni Tuhan.

MASMUR 24:6

Songon i ma halak na ro tu jolo ni Debata, tu adopan ni Debata ni si Jakob laho manyomba.

MASMUR 73:15

Sugari na dung songon i rohangku, nada marpangalaho be au songon sahalak sian bangsoMu.

MASMUR 87:6

Dietong Tuhan do angka bangso di hatiha manyuratkon, “On ma na disorangkon disi.”

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

IBRANI 2:13

Didok Jesus dope, “Tu Debata noma Au mararop ni roha.” Jana didok Jesus muse dope, “Dison do Au rap dohot angka dakdanak na nilehen ni Debata di Au.”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.