MASMUR 22:26 - BIBEL JAMITA NA DENGGAN

²⁶ Marmanganan ma halak na pogos lopus butongan, halak na manjalahi Tuhan, pujionna ma Ia. Sai anggiat ma halahi tongtong sonang ro di salolot-lolotna.

MASMUR 22:26 ပူးပေါင်းရင်းမြစ်များ

1 JUJUR TAON 29:10

Di jolo ni halak na bahat i, dipuji Raja Daud ma Tuhan. Ning ia ma, “O Tuhan, Debata na nisomba ni ompunami si Jakob, sipujion ma Ho salolot-lolotna!

MASMUR 107:9

Angke dipaminum Ia halak na manguas, na male dipabutong Ia dohot hadengganan.

MASMUR 116:14

Gohanku ma janjingku tu Tuhan, di jolo ni bangsoNia sudena.

MASMUR 116:18

Patulusonku ma janjingku tu Tuhan, di jolo ni bangsoNia sudena,

MASMUR 40:10

Di parpunguan ni bangsongku nada hupahohom, barita haluaan i nada hurahasiahon. Sai na hupajojor-jojor do haburjuan ni rohaMu, pangurupiMu dohot holong ni rohaMu na so mantak i.

MASMUR 40:16

Sai marmoga-moga jana marjop ni roha ma sandok halak na manjalahi Ho. Sai sude ma nian mandok tarimakasi hara ni haluaan na nilehenMu torus mandok, “Na godang ma da Tuhan tutu!”

MASMUR 50:14

Haul haluaan ma haulkon tu Au, Debata Na Gumincat patulus ma janjimu tu Au.

MASMUR 69:32

Marjop ni roha ma na dangol, marnidasa margodang ni roha ma halak na manyomba Debata.

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

JESAYA 65:13

Jadi songon on do pandok ni Tuhan Debata, “Satutuna do, sanga ise na marsomba tu Au jana na burju mangoloi Au tuk do panganon dohot inumonna, hape anggo hamu malean do jana manguas. Moga ma halahi, hape anggo hamu maila.”

JUNUS 2:10

Dung i, hara ni parenta ni Tuhan, diutahon ihan i ma si Junus tu darat.

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”