MASMUR 22:16 - BIBEL JAMITA NA DENGGAN

¹⁶ Dihobuk punguan ni halak na jahat do au, tudos tu anjing na marudur halahi mangarongomi au, manyuak-nyuak tangan dohot patku.

MASMUR 22:16 ပူးပေါင်းရင်းမြစ်များ

MASMUR 22:1

Debatangku, Debatangku, biasi ditinggalkon Ho au? Pio-pio au, hape tongtong Ho dao, pangurupiMu nada jungada ro.

MASMUR 22:20

Palua ma hosangku sian podang, sian anjing panyoro palua au jolo.

MASMUR 38:11

Mandao be ma ale-alengku hara ni nyaengku, salang koum sisolkotku pe mandao do sian au.

MASMUR 59:14

Di andospotang marmulakan ma musungku songon anjing na mangorong, manghaliangi kota manjalahi sisoroon.

MASMUR 59:6

Di andospotang mulak ma halahi songon anjing na mangorong, manghaliangi kota manjalahi sisoroon.

MASMUR 86:14

Ale Debata, jongjong do halak siginjang roha mangalo au, sapunguan halak na kejam giot mamunu au; nada parduli halahi tu Ho.

JESAYA 53:5

Hara ni angka dosanta, do ia mabugangi, jana hara ni hajahatanta ia dibalbali. Hona uhum ia anso malua hita, hara ni angka gasania gabe malum hita.

JEREMIA 12:6

Madung pola dihianati angka kahanggimu sandiri ho; dohot halahi mamorangi ho. Ulang porsaya ho tu halahi, haru pe tabo begeon hata ni halahi.”

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 26:57

Dioban angka na manangkup i ma Jesus tu bagas ni Malim Godang na margoar si Kayafas. Marlagut ma disi angka Siboto Surat ni halak Jahudi dohot angka hatobangon ni halahi.

MATEUS 27:35

Dung i diparsilangkon halahi ma Ia. Mardadu ma halahi laho mambagi-bagi abitNia i.

MATEUS 7:6

Ulang lehen hamu barang na badia tu anjing. Harana muda dilehen hamu i, marbalik ma anjing i laho manyarbut hamu. Dung i ulang lehen hamu berlian tu babi, angke dilonca-lonca babi i sajo do i.”

MARKUS 15:24

Ujungna diparsilangkon halahi ma Ia. Dibagi-bagi halahi ma pakeanNa i. Diundi halahi ma laho manontuhon sanga na dia bagianna be.

LUKAS 23:23

Tapi marpupu ma halahi marsurahi sagogo-gogona, angkon laing dipaku Jesus tu hayu parsilang. Ujungna monang ma halahi.

LUKAS 23:33

Dung lalu tu inganan na margoar “Partangkurahan”, dipaku halahi ma Jesus tu hayu parsilang i. Diparsilangkon muse ma dohot sidua halak na jahat i, sahalak ma i di siamun ni Jesus jana na sada nari di siambirangNia.

JOHANNES 19:23

Dung diparsilangkon angka tentara i Jesus, dibuat halahi ma pakeanNa i. Dibagi opat halahi ma i, sabagian be ma sada halak. Dibuat halahi muse ma baju jubaNia i. Nada adong panjaitan ni baju jubaNia i – na ditonun do i sian ginjang lalu tu toru.

JOHANNES 19:34

Tapi ro ma sada tentara i, disusukkon ia ma hujur tu rusuk ni Jesus; manigor haruar ma mudar na marcampur aek sian rusukNa i.

JOHANNES 19:37

Di Buku Na Badia i pe laing tarsurat do songon on, “Tatapon ni halak ma Ia, na nihujur ni halahi i.”

JOHANNES 20:25

Jadi dipaboa angka sisean ni Jesus na asing i ma tu si Tomas, ninna halahi ma, “Madung hami ida Tuhan i!” Tapi dialusi si Tomas ma, “Anggo so jolo huida pamakuan na di tanganNa i jana hudaiskon jari-jaringkon tu pamakuan i, jana anggo so jolo hubaen tangankon tu rusukNa i, nada porsaya dope au.”

JOHANNES 20:27

Dung i didok Jesus ma tu si Tomas, “Baen tuson jari-jarimi, ligi ma tanganKon. Surduhon ma tanganmi tu rusukKon. Ulang be ganggu rohamu. Porsaya ma ho!”

PILIPPI 3:2

Jagohon hamu ma dirimunu maradopkon angka anjing i, jagohon hamu ma dirimunu maradopkon angka panyunat na so tutu.

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.