MASMUR 21:9 - BIBEL JAMITA NA DENGGAN

⁹ Dibaen Ho do halahi songon api na marjembur-jembur, dihatiha dipataridahon Ho diriMu, ale Tuhan. Abis ma halahi baenon ni muruk ni Tuhan, bope baenon ni api na mambaen marmosokan.

MASMUR 21:9 ပူးပေါင်းရင်းမြစ်များ

PAMUNGKAAN 19:28

Manatap ma ia sabola Sodom dohot Gomora dohot tu rura i sude, jana diida ia ma timus marbual-bual sian tano i, songon timus ni pamurunan na godang.

ESRA 6:12

Debata na mamili Jerusalem i gabe inganan parsombaan tuSia, sai dipusa Ia ma ganop raja sanga bangso na barani mangalanggar parenta on dohot na mancubo mangaroncohon Bagas Ni Tuhan na di Jerusalem i. Au si Darius, au do na mangalehen parentaon. Padalan ma i sadenggan-dengganna.”

JOB 6:3

Jadi, ulang homang ho muda salpu hata pandohan gabe hurang martontu.

MASMUR 106:17

Gabe dibondut tano si Datan, si Abiram dohot dongan sabagasna pe marbonoman.

MASMUR 18:38

Hutombomkon halahi lopus nada tolapsa jongjong, di jolo ni patku tinggang halahi.

MASMUR 18:8

Haruar timus sian lubang ni igungNa, api dohot banggar haruar sian pamanganNa.

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 2:5

Mardongan muruk digorahon Debata halahi, mardongan pangamukNa digaori Ia halahi.

MASMUR 50:3

Na ro ma Debatanta, nada be so sajo Ia, dijoloani api na marjilam-jilam do Ia, jana dihaliangi habahaba na gogo.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

ANDUNG 2:2

Ganop kota na adong di Juda, dironcohon Ia nada adong ibo ni roha. Angka benteng na mangondingi luat i dionjarkon Ia lopus marumpahi. Didabuhon Ia lopus marbile noma harajaan i dohot angka pamimpinna.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

MATEUS 13:42

Ambungkononkon ma halahi sude tu purunan ni api. Disi ma halahi mangangguhi jana patungaripon.

MATEUS 13:50

Dung i diambungkon ma halak na jahat i tu purunan ni api. Disi ma halahi mangangguhi jana patungaripon.”

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

MATEUS 3:10

Madung singkop kampak laho manaba hayu di uratna i. Sude hayu na so denggan parbatuna, sitabaon ma i, jana niambungkon tu api.

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.

1 TESSALONIKA 2:16

Dilarang halahi muse dope hami manjamitahon barita haluaan i tu angka bangso na asing. Jadi di na songon i, laing dipupu halak Jahudi do patamba-tamba dosana gabe mur martimbun lalu tu langit. Jana ujungna saonnari dondonan ni rimas ni Debata ma halahi!

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

HALUMBAAN 20:14

Dung i didanggurkon ma hamatean dohot harajaan banua toru i tu bagasan laut api. (Laut api on ma hamatean na paduahon.)