MASMUR 21:5 - BIBEL JAMITA NA DENGGAN

⁵ Hara ni pangurupiMu mambaen tangkas ia tarida, dibaen Ho goarnia marmulia jana tarbarita.

MASMUR 21:5 ပူးပေါင်းရင်းမြစ်များ

2 SAMUEL 7:19

Lobi sian i dope tehe dipatupa Ho, ale Tuhan Na Gumincat; madung dipajojor Ho muse dope janji taringot tu pomparanku di hatiha na giot ro. Jana dipatidahon Ho do i tu au haru pe hum jolma sajo au ale Tuhan Na Gumincat!

1 RAJA-RAJA 3:14

Jana muda burju ho mangoloi Au songon amamu si Daud, jana dipatulus ho angka uhumKu lehenonKu ma di ho umur na ginjang.”

1 JUJUR TAON 17:27

Hara ni i hupangidohon, sai pasupasu ma pomparanku anso manjagit holong ni rohaMu sapanjangna. Madung dipasupasu Ho ale Tuhan bangsoMi, jadi gabe marpasupasu ma halahi salolot-lolotna.”

MASMUR 110:1

Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

MASMUR 133:3

Sanga songon ombun di Dolok Hermon, na mijur tu angka Dolok Sion. Disi ma janjihonon ni Tuhan pasupasuNa, i ma hangoluan na salolot-lolotna.

MASMUR 3:3

Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

MASMUR 61:7

Sai mamarenta ia songon raja na nitodoMu ro di salolot ni lolotna. Ale Debata, linggomi ma ia marhite hasetiaanMu dohot holong ni rohaMu na so mantak i.

MASMUR 62:7

Ia do Debata na mangalehen haluaan dohot hasangapan di au. Debata do pangondianku dohot na gogo mambela au.

MASMUR 8:5

Giot dos dohot diriMu dibaen Ho jolma, ditukui Ho ia dohot sangap na mulia.

MASMUR 96:6

Hasangapan dohot hamuliaan manggohi Ia, kuaso dohot hajagaron manggohi BagasNia.

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

JOHANNES 17:1

Dung sidung didok Ia songon i, manatap ma Jesus tu langit, ning Ia ma, “O ale Amang, saonnari madung dapot hatihana. Pasangap ma AnakMu anso dipasangap AnakMi muse Ho Amang.

JOHANNES 17:22

Madung Hupasangap halahi mardongan hasangapan na nilehen ni Damang i di Au, anso gabe sada halahi hara ni i, laing songon parsada ni Damang dohot Au;

JOHANNES 17:5

Amang! Pasangap ma Au saonnari markite-hite hasangapan na Hujagit rap dohot Ho dompak so dijadihon dope portibi on.

IBRANI 8:1

Impola ni sude na tahatai on, songon on ma: Adong do di hita Malim Godang na songon i, na juguk di siamun ni habangsa ni Debata Na Gumodang i di banua ginjang.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.