MASMUR 21:3 - BIBEL JAMITA NA DENGGAN

³ Ro Ho mandapotkon ia mardongan pasupasu na maruse-use, dipamasuk Ho tu ulunia tuku sere.

MASMUR 21:3 ပူးပေါင်းရင်းမြစ်များ

2 SAMUEL 12:30

Dibuat si Daud ma tuku sian ulu ni raja ni halahi i jana dibaen ia ma tu ulunia sandiri. Adong do hira-hira 35 kilo borat ni tuku i na marsusun batu intan na jeges-jeges. Dioban si Daud muse dope bahat sajo barang na hona rampas sian kota i.

2 SAMUEL 2:4

Dung i marroan ma halak Juda tu Hebron, jana dimiahi halahi ma si Daud gabe raja ni Juda. Dung dibege si Daud na dung ditanom halak Jabes na di Gilead bangke ni si Saul,

2 SAMUEL 5:3

Mambaen janji ma si Daud dohot sude hatobangon ni Israel i na ro mandapotkon ia, jana dimiahi halahi ma ia gabe raja ni Israel.

1 JUJUR TAON 20:2

Dung i ro ma si Daud jana dibuat ia ma tuku sere sian ulu ni Raja Amon lalu dipake ia tu ulunia sandiri. Adong do marborat-borat 34 kilo tuku i jana adong sada batu intanna. Laing tama do bahatna barang-barang dioban si Daud na nirampasnia sian kota i.

2 JUJUR TAON 6:41

Jongjong ma Ho saonnari ale Tuhan Debata! Jana masuk ma nian Ho tu bagasan bagas paribadatan on rap dohot Poti Parjanjian na manggombarkon kuasoMon jana maringanan ma Ho dison lopus salolot-lolotna. Sai pasupasu ma sude parkarejoan ni angka malimMu jana sai martua ma sude bangsoMu hara ni burjuMu tu halahi.

JOB 41:11

Ise ma na mangalosa na so hona mara? Sahalak pe nada adong tarbaensa di tano on sudena.

MASMUR 18:18

Dialo halahi au dompak di hasusaan, tapi dilehen Tuhan do di au paronding-ondingan.

MASMUR 20:5

Jadi marsurak ma hami marjop ni roha, lalu mamestahon hamonanganmu, bope mamuji goar ni Debata. Tuhan ma na patuluskon sude pangidoanmi.

MASMUR 31:19

Na lobi do antong hadenggananMu na nipasingkopMu di halak na mabiar tu Ho! Diboto halak do sude sanga aha na nibaenMu, tu halak na marsilaung tu Ho.

MASMUR 59:10

Dihaholongi jana didapotkon Debatangku do au, dipaloas Debatangku do au marnida hataluan ni musungku.

SURAT NI SI PAULUS TU PARLAGUTAN ROM 11:35

Ise ma halak na jungada mangalehen bagi aha tuSia , jana gabe tarbaensa martunggu balosna?”

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

IBRANI 2:9

Tapi anggo Jesus madung taida mangarajai! Dibaen do Ia santongkin tumoruk saotik sian surusuruan anso tarbaen Ia mate laho manghopkop sude jolma hara ni denggan ni roha ni Debata. Taida do saonnari dilehen diSia juguhan na marmulia jana na sangap hara ni na dung manaon parkancitan Ia lopus mate.

HALUMBAAN 19:12

Songon jilam ni api do mataNa jana bahat do tuku dipake Ia di uluNia i. Adong do sada goar na niuhir di diriNia; jana hum Ia sajo do na umboto astuan ni goar i.

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.